តាមសហព័ន្ធអ្នកកាសែតអន្តរជាតិ (IFJ) បានប្រកាសថា មានអ្នកសារព័ត៌មាន៤២នាក់ រងការសម្លាប់ ពេលកំពុងបំពេញការងារនៅក្នុងឆ្នាំ២០២០។ ជាមួយគ្នានេះមានអ្នកសារព័ត៌មាន២៣៥នាក់ ត្រូវជាប់ឃុំផងដែរ។
តាមសារព័ត៌មានBaophapluat.vn នៅថ្ងៃទី១០ខែធ្នូបានផ្សាយថា ប្រទេស និងដែនដី ដែលមានអ្នកសារព័ត៌មានរងការសម្លាប់ច្រើនបំផុតក្នុងឆ្នាំ២០២០ មានដូចជា ម៉ិចស៊ីកូ ១៣ករណី ប៉ាគីស្ថាន ៥ករណី អាហ្វហ្គានីស្ថាន៣ករណី ឥណ្ឌា៣ករណី អុីរ៉ាក់៣ករណី និង នីហ្សេរីយ៉ា៣ករណីដូចគ្នា។
សហព័ន្ធអ្នកកាសែតអន្តរជាតិ (IFJ) ចាប់ផ្តើមធ្វើស្ថិតិពីអ្នកសារព័ត៌មានរងការសម្លាប់ ជារៀងរាល់ឆ្នាំ មកដល់ឆ្នាំនេះគឺ៣០ឆ្នាំហើយ។ លោកស្រី Anthony Bellanger អគ្គលេខា នៃសហព័ន្ធអ្នកកាសែតអន្តរជាតិ បានឲ្យដឹងថា « បើទោះបីមានការសម្លាប់អ្នកសារព័ត៌មានថយចុះប៉ុន្តែភាពគ្រោះថ្នាក់នៅតែមាន ពេលបំពេញការងារ»។
តាមតួលេខរបស់សហព័ន្ធអ្នកកាសែតអន្តរជាតិ (IFJ) បានបញ្ជាក់ថា ក្នុងរយៈពេល៣០ឆ្នាំកន្លងមក មានអ្នកសារព័ត៌មាន សរុប 2.658 នាក់រងការសម្លាប់។ របាយការរបស់(IFJ) បានប្រកាសចំថ្ងៃ ទី១០ខែធ្នូជាទិវាសិទ្ធិមនុស្សអន្តរជាតិ ។ បច្ចុប្បន្ន(IFJ) មានសមាជិក៦សែននាក់មកពី១៥០ ប្រទេសជុំវិញពិភពលោក៕ដោយ៖ធី រីណា
