បណ្តាប្រទេសជាសមាជិកសម្ព័ន្ធមិត្តប៉ាស៊ីហ្វិកបានបង្ហាញក្តីសង្ឃឹមថា នៅក្នុងឆ្នាំ២០២១ នឹងដំណើរការសេដ្ឋកិច្ចល្អប្រសើរឡើងវិញ ក្រោយមានវ៉ាក់សាំងប្រឆាំងកូវីដ១៩ ប្រើប្រាស់ទូលំទូលាយនៅលើពិភពលោក។
បណ្តាមេដឹកនាំ និងមន្ត្រីជាន់ខ្ពស់មកពីប្រទេសឈីលី កូឡំប៊ី ម៉ិចស៊ីកូ និង ប៉េរ៉ូ កាលពីថ្ងៃទី១១ខែធ្នូ បានចូលរួមកិច្ចប្រជុំ សម្ព័ន្ធមិត្តប៉ាស៊ីហ្វិក លើកទី១៥ ដែលរៀបចំឡើងតាមបែប អនឡាញ។
មានប្រសាសន៍នៅក្នុងកិច្ចប្រជុំ ប្រធានាធិបតី ឈីលី លោកSebastian Pinera បានបញ្ជាក់ថា «យើងទទួលបានការរីកចំរើនយ៉ាងខ្លាំង ដោយមានវ៉ាក់សាំង ប្រកបដោយសុវត្ថិភាព និងប្រសិទ្ធភាព ចាក់ជូនពលរដ្ឋលើពិភពលោក។ នេះជាជំហានមួយដ៏ល្អសម្រាប់យើងដំណើការសេដ្ឋកិច្ចឡើងវិញ ។
សព័ន្ធមិត្តប៉ាស៊ីហ្វិក មានពលរដ្ឋសរុប២១០លាននាក់ ដោយមានវិស័យសេដ្ឋកិច្ចមធ្យម៣៥ភាគរយ នៃផលិតផលក្នុងស្រុក នៅតំបន់អាមេរិកឡាទីន។ ប៉ុន្តែនៅក្នុងឆ្នាំ ២០២០ ដោយការឆ្លងរាលដាលកូវីដ១៩ប៉ះពាល់យ៉ាងខ្លាំងដល់សេដ្ឋកិច្ច គឺធ្លាក់ចុះនៅសល់តែ១៣%ប៉ុណ្ណោះ។
ពលរដ្ឋអាមេរិកឡាទីនរាប់សិបលាននាក់ដែលមានជីវភាពរស់នៅមធ្យម អាចប្រឈមនឹងភាពក្រីក្រ ដោយសារតែការឆ្លងរាលដាកកូវីដ១៩ ។ មិនថាប្រទេសតំបន់អាមេរិកឡាទីន គឺប្រទេសជាច្រើនជុំវិញពិភពលោកប្រឈមនឹង វិបត្តិសេដ្ឋកិច្ចដូចគ្នា ដោយសារតែ ការបិទប្រទេស៕
រូបភាព៖ KT
