ភ្នំពេញៈ ឆ្លើយតបតាមការអញ្ជើញរបស់លោក ម៉ាសាអាគី យ៉ាម៉ាហ្សាគី ប្រធានព្រឹទ្ធសភានៃប្រទេសជប៉ុន នាព្រឹកថ្ងៃទី១៩ ខែកុម្ភៈ ឆ្នាំ២០១៦ វេលាម៉ោង៨  លោក អ៊ុំ សារឹទ្ធ អគ្គលេខាធិការព្រឹទ្ធសភា បានបើកកិច្ចប្រជុំពិភាក្សា ត្រៀមដំណើរទស្សនៈកិច្ច សម្តេចវិបុលសេនាភក្តី សាយ ឈុំ ប្រធានព្រឹទ្ធសភា ទៅកាន់ព្រះរាជាណាចក្រជប៉ុន នៅសាលពិសេសព្រឹទ្ធសភា វិមានរដ្ឋចំការមន។ គម្រោងដំណើរទស្សនកិច្ចផ្លូវការសម្ដេចវិបុលសេនាភក្ដី សាយ ឈុំ និងចាប់ផ្ដើមចេញដំណើរពីថ្ងៃទី២៣ ដល់​ថ្ងៃទី២៦ ខែកុម្ភៈ ឆ្នាំ២០១៦។

ក្នុងនោះមានកិច្ចជួបពិភាក្សាជាមួយប្រធានរដ្ឋសភា នាយករដ្ឋមន្ត្រី និងពិភាក្សាការងារជាមួយតំណាងទីភ្នាក់ងារសហប្រតិ​បត្តិការណ៍អន្តរជាតិ (JICA)​ នៃប្រទេសជប៉ុន៕

 

ដោយ៖ សុខ ខេមរា