ក្រុមហ៊ុនដឹកជញ្ជូនតាមដែនសមុទ្រ Hafnia បានប្រកាសឲ្យដឹងថា«មានករណីផ្ទុះនៅលើនាវាដឹកប្រេងកាលពីវេលាម៉ោង១យប់ឈានចូលថ្ងៃទី១៤ខែធ្នូ ស្ថិតនៅតំបន់សមុទ្រអាំរ៉ាប៊ីសាអ៊ូឌិត ។ ក្នុងពេលផ្ទុះនោះនៅលើនាវាមិនមានប្រេងឡើយ គឺបានបញ្ជូនប្រេងឡើងទៅកាន់កំពង់ផែJeddahអស់ហើយ។ ការផ្ទុះនោះមិនមានអ្នកស្លាប់ឬរបួសនោះឡើយ។
នៅយប់ថ្ងៃទី១៣ ឈានចូលថ្ងៃទី១៤ខែធ្នូ នៅពេលយកទំនិញចេញពីនាវានៅកំពង់ផែ Jeddah នាវាដឹកប្រេងBW Rhine ក៏មានករណិផ្ទុះកើតឡើងដែរ បណ្តាលឲ្យឆាបឆេះ ប៉ុន្តែក្រុមនាវឹកបានពន្លត់ទាន់ពេលវេលា ដោយមានការចូលរួមពីក្រុមពន្លត់អគ្គិភ័យ។
មិនមានប្រេងលិចហៀរចូលសមុទ្រនោះឡើយ ហើយក្រុមហ៊ុននឹងផ្តល់ព័ត៌មានច្បាស់លាស់ពាក់ព័ន្ធនឹងហេតុការណ៍ខាងលើ ។ មកទល់ពេលនេះក៏មិនទាន់ដឹងពីមូលហេតុបណ្តាលឲ្យផ្ទុះឆេះនៅឡើយទេ តើជាការចៃដន្យ ឬការវាយប្រហារ ។
កន្លងមក នាវាដឹកប្រេងនៅតំបន់សមុទ្រ អារ៉ាប់គឺជាគោលដៅនៃការវាយប្រហារ ហើយកន្លងមកក៏មាននាវាដឹកប្រេងពីរគ្រឿងរងការវាយប្រហារផងដែរ។ មិនតែប៉ុណ្ណោះទីតាំងចម្រាញ់ប្រេង របស់ប្រទេស អារ៉ាប៊ីសាអ៊ូឌិត ក៏រងការវាយប្រហារភេរវកម្មផងដែរ៕
រូបភាព៖ AFP
