ខេត្ដឧត្ដរមានជ័យ៖ នៅវេលាម៉ោង២៣.៣០នាទីថ្ងៃទី១៥ ខែធ្នូ ឆ្នាំ២០២០កម្លាំងសមត្ថកិច្ចមូលដ្ឋានកងរាជអាវុធហត្ថ ស្រុកអន្លង់វែងបានឃាត់ខ្លួន ក្រុមក្មេងទំនើងផឹកសុីស្រវឹងជិះម៉ូតូបង្ហោះលើផ្លូវសាធារណៈចំនួន០២នាក់នៅ ចំនុចភូមិថ្នល់កែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
សមត្ថកិច្ចបានឱ្យដឹងថា ក្មេងទំនើង និងចាស់ស្ទាវ
ទី១៖ឈ្មោះ នួន វុធ ភេទប្រុសអាយុ២៣ឆ្នាំ មុខរបរកម្មករ រស់នៅភូមិ អូរតាម៉េង ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
ទី២៖ឈ្មោះ វ៉ាន់ យាំងឡាំ ភេទប្រុស អាយុ៥៣ឆ្នាំ មុខរបរជាងឈើបច្ចុប្បន្នរស់នៅភូមិអូរជញ្ជៀន ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
ព្រមទាំងដកហូតម៉ូតូចំនួន០២គ្រឿង
ម៉ូតូម៉ាកវេវអិចសេនទ័រពណ៌ខៀវ គ្មានស្លាកលេខ០១គ្រឿងនិង
ម៉ូតូម៉ាកវ៉េវពណ៌លឿង ពាក់ស្លាកលេខA.៣ ៣៨២៩(ខេត្តកោះកុង)ចំនួន០១គ្រឿងមកកាន់មូលដ្ឋានកងរាជអាវុធហត្ថ ស្រុកអន្លង់វែងធ្វើការអប់រំ និងឱ្យសាច់ញាតមកធានាយកទៅវិញ៕ ដោយ៖ ប៉ែន នួន
