តារាដ៏ល្បីរបស់កូរ៉េ គឺលោក Rain បានរៀបរាប់ឲ្យដឹងថាជីវិតអាពាហ៍ពិពាហ៍​ ជាមួយ​​ នាងKim Tae Hee ពិតជាមានក្តីសុខណាស់ ដូចរស់នៅក្នុងក្តីស្រមៃ។ ជាមួយគ្នានេះ​ តារាចម្រៀងដ៏ល្បីរូបនេះក៍នឹងត្រៀមចេញផលិតផលរួម ជាមួយលោក Park Jin Youngហើយ។

នៅក្នុងការចូលរួមសម្ដែងនៅក្នុងកម្មវិធី​Season B Season លោក Rain បានឲ្យដឹងថា នៅលើកដំបូងដែលបានជួប នាង Kim Tae Hee ​លោកក៏ត្រូវ លង់ក្នុងអន្លង់សេ្នហ៍​លើរូបនាងតែម្តង​​ ហើយក៏តាមស្រឡាញ់នាង​ ដែលជាតារាភាពយន្តដ៏ល្បីមួយរូប។
លោក​ Rain ​បានឲ្យដឹងថា​« ខ្ញុំបានលួចស្រឡាញ់នាង ពេញមួយឆ្នាំតែម្នាក់ឯងដោយនាងមិនដឹងខ្លួននោះឡើយ។ រយៈពេលយូរទើបខ្ញុំមានឱកាស សារភាពស្នេហ៍ទៅលើរូបនាង។ តារាសម្តែង និង ចម្រៀងលោក​Rain ​បានបញ្ជាក់ទៀតថា ក្រោយរៀបការជាមួយនាង គឺដូចជារស់នៅក្នុងសុបិន្ដអីចឹង ពេលដែលបានរស់នៅជាមួយមនុស្សដែលយើងស្រឡាញ់។
តារា Bi Rain និងនាង Kim Tae Hee បានរៀបការតាំងពីឆ្នាំ​២០១៧ ដោយមកទល់ពេលនេះមានកូនស្រីពីរនាក់ ហើយ។ នៅពេលនេះដែរ Rain ក៏ត្រៀមចេញ ផលិតផលចំរៀងរបស់ខ្លួន ជាមួយ​​ម្ចាស់ក្រុមហ៊ុនJYP Entertainment គឺលោក Park Jin Young នៅខែមករាឆ្នាំ​២០២១។ បទចំរៀងរបស់​Rain ​គឺតាមបែ​ប Jack swing ដែលពេញនិយមក្នុងសម័យ ទសវត្សរ៍  ១៩៨០-១៩៩០៕ ដោយ៖ធីរីណា