មេ​ជួញដូរ​គ្រឿងញៀន​ជិះ​ម៉ូតូ​តាម​រូង​ក្រោម​ដី​រត់​ចេញពី​គុក

ចែករំលែក៖

​រូបភាព​គួរ​ឲ្យ​ភ្ញាក់ផ្អើល​នៅ​រូង​ក្រោម​ដី​ប្រវែង​1,5​គីឡូម៉ែត្រ​ដែល​មេ​ជួញដូរ​គ្រឿងញៀន​លោក​ Joaquin​ El​ Champo’Guzman​ មេ​ក្លោ​ង​ក្រុម​ជូ​ញ​ដូរ​គ្រឿងញៀន​ Sinaloa​ បាន​រត់គេច​ខ្លួន​ចេញពី​គុក​ដែល​មានការ​យាមកាម​យ៉ាង​តឹងតែង​បំផុត​។​ ​តាម​រូបភាព​នៅ​ក្នុង​រូង​ក្រោម​ដី​នោះ​ មាន​ម៉ូតូ​មួយ​គ្រឿង​រង់ចាំ​នៅ​ខាងក្នុង​សម្រាប់​បើក​ចេញ​តាម​ផ្លូវ​ក្រោម​ដី​។​ គេ​ជឿ​ង​ជាក់​ថា​ត្រូវការ​ចំណាយ​ពេលវេលា​ជាង​មួយ​ឆ្នាំ​ទើប​អាច​ជីក​រូង​នោះ​បាន​ហើយ​ត្រូវ​ដឹក​ដី​ជាង​៣​តោន​ចេញពី​រូង​នោះ​។​ មិន​ត្រឹមតែ​ប៉ុណ្ណោះ​រូង​ក្រោម​ដី​បាន​បំពាក់​បំពង់​បង្ហូរ​ឧស្ម័ន​គ្រប់គ្រាន់​។​ ​តាម​អ្នកឯកទេស​ មេ​ជួញដូរ​គ្រឿងញៀន​រូប​នេះ​បាន​ចំណាយ​ប្រាក់​យ៉ាងតិច​៥០​លាន​ដុល្លារ​សម្រាប់​សកម្មភាព​ជីក​រូង​ក្រោម​ដី​ និង​សូកប៉ាន់​ដល់​មន្ត្រី​យាមគុក​ ដើម្បី​ឲ្យ​ឆ្មាំ​គុក​ធ្វើ​មិនដឹង​ មិន​ឮ​ពី​សកម្មភាព​ជីក​រូង​ក្រោម​ដី​។​ មេ​ជួញដូរ​គ្រឿងញៀន​រូប​នេះ​ត្រូវ​ចោទប្រកាន់​បទល្មើស​ដល់​ទៅ​៣៥​ករណី​ ក្នុង​នោះ​មានការ​ជួញដូរ​គ្រឿងញៀន​សម្លាប់​មនុស្ស​ និង​លាង​លុយខ្មៅ​ជាដើម​។​ ​មន្ត្រី​គ្រប់គ្រង​ព​ន្ធា​នាគារ​នៅ​ប្រទេស​មិច​ស៊ី​កូ​ ៣​រូប​ត្រូវ​បាន​ដកហូត​តំណែង​ក្រោយ​ពេល​ដែល​អ្នកទោស​ Joaquin​ Guzman​ ហែក​គុក​រត់​ចេញ​ដោយ​សុវត្ថិភាព​ ។​ រដ្ឋាភិបាល​បាន​ប្រកាស​ផ្តល់​ប្រាក់​រង្វាន់​3,8​លាន​ដុល្លារ​សម្រាប់​បុគ្គល​ណាមួយ​ដែល​អាច​ចាប់ខ្លួន​អ្នកទោស​រូប​នោះ​បាន​។​ ​រដ្ឋមន្ត្រី​ក្រ​សូ​ង​មហាផ្ទៃ​មិច​ស៊ី​កូ​ លោក​ Miguel​ Angel​ Osorio​ Chong​ បាន​បញ្ជាក់​នៅ​ក្នុង​សន្និសីទកាសែត​ថា​ ការ​រត់​ចេញ​ដោយ​ជោគជ័យ​ គី​ទទួល​បានការ​ជួយ​ពី​អ្នក​នៅ​ខាងក្នុង​ ។​ ក្រុម​អ្នកស៊ើប​អង្កេត​បាន​ឲ្យ​ដឹង​ថា​ គេ​បាន​រក​ឃើញ​រូង​ក្រោម​ដី​ប្រវែង​ជាង​១​គីឡូម៉ែត្រ​ ដោយ​មាន​ប្រព័ន្ធ​ខ្យល់​ទៀត​ផង​ ។​ អ្នកទោស​បាន​រត់​ចេញពី​គុក​នៅ​ថ្ងៃ​ទី​១១​ ខែកក្កដា​។​ ​រដ្ឋមន្ត្រី​ក្រសួងមហាផ្ទៃ​បាន​បញ្ជាក់​ថា​ ក្រៅពី​មន្ត្រី​ពន្ធនាគារ​៣​រូប​ត្រូវ​ដកហូត​ពី​តំណែង​ នៅ​មាន​បុគ្គលិក​៣៤​នាក់​ទៀត​ស្ថិត​នៅ​ក្នុង​ការ​ស៊ើបអង្កេត​។​ ​លោក​ជុង​ ក៏​បាន​បញ្ជាក់​ទៀត​ថា​ អង្គការ​ប្រយុទ្ធ​ប្រឆាំង​គ្រឿងញៀន​របស់​អា​មេ​រិ​កបាន​ប្រាប់​ដល់​រដ្ឋាភិបាល​មិច​ស៊ី​កូ​ពី​គម្រោង​ហែក​គុក​ របស់​មេ​ជួញដូរ​គ្រឿងញៀន​ Guzman​ កាលពី​១៦​ខែ​មុន​ ។​ បើ​ទោះជា​បានដឹង​មុន​ តែ​ឆ្មាំ​គុក​មិច​ស៊ី​កូ​នៅ​តែ​ទុក​ឲ្យ​ជនល្មើស​រត់គេច​ខ្លួន​បាន​ដោយ​ជោគជ័យ​ ៕ 1-2_w_480

2-2_w_480_2

...

4-2_w_480


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print