ភ្នំពេញ ៖ ប្រជាពលរដ្ឋបានប្រទះឃើញបុរសម្នាក់ស្លាប់ក្នុងបន្ទប់ជួលលេខ៨ ស្ថិតក្នុងភូមិរលួស សង្កាត់ជើងឯក ខណ្ឌដង្កោ បង្កការភ្ញាក់ផ្អេីលដល់អ្នកជិតខាងកាលពីវេលាម៉ោង១២:១៥នាទី ថ្ងៃទី២៩ ខែធ្នូ ឆ្នាំ២០២០ ។
សាកសពរងគ្រោះមានឈ្មោះ ម៉េង ឃាង ភេទប្រុស អាយុ៥៦ឆ្នាំ(គ្មានគ្រួសារសាច់ញាតិ) មុខរបរកម្មកររោងចក្រយូរ៉ូផលិតខ្សែភ្លើង បច្ចុប្បន្នស្នាក់នៅបន្ទប់ជួលកើតហេតុខាងលើ ។
តាមប្រភពព័ត៌មានពីប្រជាពលរដ្ឋដែលរស់នៅជិតខាងជាប់បន្ទប់ជួលជនរងគ្រោះបានប្រាប់ឱ្យដឹងថាជនរងគ្រោះគឺជាមនុស្សស្លូតបូត និងមានជំងឺប្រចាំកាយ ណាមួយទៀតគាត់ក៏ជាកំលោះចាស់ គ្មានគ្រួសារនៅក្បែរនិងមេីលថែផងដែរ ។ ខណ:នៅថ្ងៃកេីតហេតុ អ្នកជិតខាងមិនឃេីញជនរងគ្រោះចេញមកខាងក្រៅតាំងព្រឹករហូតដល់ថ្ងៃត្រង់ ទេីបឆ្ងល់ក៏ទៅគោះទ្វារហៅជនរងគ្រោះតែមិនឮតប រួចក៏មេីលតាមបង្អួចស្រាប់តែឃេីញជនរងគ្រោះដេកស្លាប់លេីឥដ្ឋ និងស្លៀកតែកន្សែង ទេីបដឹងឮដល់ម្ចាស់ផ្ទះ និងរាយការណ៍ប្រាប់សមត្ថកិច្ចមូលដ្ឋានឲ្យចុះមកដល់កន្លែងកេីតហេតុតែម្ដង ។
ក្រោយមក សមត្ថកិច្ចបានទាក់ទងទៅខាងជំនាញកោសល្យវិច័យឲ្យមកពិនិត្យជាក់ស្ដែង ក្នុងនោះតាមការធ្វើកោសល្យវិច័យរបស់ក្រុមគ្រូពេទ្យវិទ្យាសាស្ត្រ នៃស្នងការដ្ឋាននគរបាលរាជធានីភ្នំពេញបញ្ជាក់ថា ឈ្មោះ ម៉េង ឃាង (សព) គឺស្លាប់ដោយសារគាំងបេះដូងនិងជំងឺក្រពះពោះវៀន ។
បច្ចុប្បន្នសពត្រូវបានសមត្ថកិច្ចចាត់ចែងធ្វើបុណ្យតាមប្រពៃណី ៕
ដោយ៖ ភារ៉ា ដង្កោ
