លោក Michael Zorc នាយកកីឡារបស់ក្រុម Borussia Dortmund បានអះអាងថា “គ្មានការផ្តល់ជូនអ្វីទាំងអស់សំរាប់គោលដៅរបស់ក្រុម Arsenal ចំពោះកីឡាករ Julian Brandt ឡើយ។ នេះបើយោងតាមការចុះផ្សាយរបស់ Soccer News នៅព្រឹកថ្ងៃទី៨ មករា នេះ។

Brandt មានវ័យ២៤ឆ្នាំត្រូវបានផ្សារភ្ជាប់ជាមួយនឹងការផ្លាស់ប្តូរទៅកាន់ក្លិបនៅ Premier League កាលពីខែមករា។ ប៉ុន្តែលោក Zorc បាននិយាយថា គ្មានការផ្តល់ជូនណាមួយសម្រាប់ខ្សែបម្រើរូបនេះដែលបានចុះកិច្ចសន្យានៅ Dortmund រហូតដល់ឆ្នាំ២០២៤ ។

លោក Zorc បានប្រាប់សន្និសីទសារព័ត៌មានថា “ខ្ញុំមិនចង់ឆ្លើយតបនឹងពាក្យចចាមអារាមណាមួយដែលត្រូវបានបង្កើតឡើងដោយប្រព័ន្ធផ្សព្វផ្សាយនោះទេ។ ឥឡូវនេះមានឈ្មោះជាផ្លូវការហើយដែលយើងមិនគិតពីការបោះបង់ចោលគាត់ទេ។ សរុបមកយើងក្រឡេកមើលសេណារីយ៉ូផ្សេងៗគ្នាជាចម្បងដោយសារសាវតាសេដ្ឋកិច្ចដែលមិនមានលក្ខណៈល្អពីការរាតត្បាតជំងឺជាសកល”។

សូមបញ្ជាក់ថា ខ្សែបម្រើ Julian Brandt កំពុងលេងឲ្យក្លិបយក្សនៅអាល្លឺម៉ង់គឺ Dortmund ដែលកំពុងឈរនៅចំណាត់ថ្នាក់លេខ៤ បណ្តោះអាសន្នក្នុងក្របខ័ណ្ឌ Bundesliga នឹងត្រូវប្រកួតជាមួយក្រុមម្ចាស់ផ្ទះ RB Leipzig កាលពីថ្ងៃសៅរ៍ខាងមុខនេះ ៕