សារព័ត៌មាន BBC Sport នៅព្រឹកថ្ងៃទី៨ មករា ២០២១នេះបានឲ្យដឹងថា ក្លិបបិសាចក្រហម Manchester United បានបញ្ចប់ការចុះហត្ថលេខាលើខ្សែបម្រើស្លាបស្លាប Amad Diallo ពីប្រទេសអុីតាលីហើយ ។

កិច្ចព្រមព្រៀងសម្រាប់កីឡាករវ័យ១៨ឆ្នាំរូបនេះរួមបញ្ចូលទាំងការបន្ថែមប្រាក់ចំនួន១៨,២លានផោនបន្ថែមទៀត ហើយគេបានចុះកិច្ចសន្យារហូតដល់ខែមិថុនា ឆ្នាំ២០២៥ ជាមួយនឹងជម្រើស១ឆ្នាំបន្ថែមទៀត។

លោក Ole Gunnar Solskjaer គ្រូបង្វឹកក្លិបបិសាចក្រហមបាននិយាយថា“ដោយបានមើលគាត់ខ្ញុំជឿជាក់ថាគាត់គឺជាយុវជនវ័យក្មេងម្នាក់ដែលគួរឱ្យទាក់ទាញបំផុតនៅក្នុងការប្រកួតនេះ។ វានឹងត្រូវការពេលវេលាសម្រាប់គាត់ដើម្បីសម្របខ្លួន ប៉ុន្តែល្បឿន ចក្ខុវិស័យ និងសមត្ថភាពដ៏អស្ចារ្យរបស់គាត់នឹងជួយឱ្យគាត់ស្ថិតក្នុងស្ថានភាពល្អដើម្បីផ្លាស់ប្តូរ។ គាត់គឺជាកីឡាករម្នាក់ដែលមានគុណសម្បត្ដិល្អៗ ទាំងអស់ដែលត្រូវការជាកីឡាករសំខាន់សម្រាប់ក្រុមបិសាចក្រហម Manchester United នៅឆ្នាំខាងមុខ។

Diallo គឺជាកីឡាករដំបូងគេដែលត្រូវបានចុះហត្ថលេខា នៅក្លិបបិសាចក្រហមនៅខែមករានេះ។ ឯកសារស្តីពីការផ្លាស់ប្តូររបស់គាត់ត្រូវបានដាក់ស្នើបន្ទាប់ពីថ្ងៃបុណ្យចូលឆ្នាំថ្មី ហើយត្រូវបានអនុម័តនៅថ្ងៃដដែល។កីឡាកររូបនេះបានដាក់ពាក្យសុំទិដ្ឋាការនៅចក្រភពអង់គ្លេសពីទីក្រុងរ៉ូមកាលពីដើមសប្តាហ៍នេះ។

កីឡាករ Diallo បាននិយាយថា “គ្រូបង្វឹកពិតជាអស្ចារ្យណាស់តាំងពីខ្ញុំបានចុះហត្ថលេខាយើងបានទាក់ទងជាទៀងទាត់ ហើយគាត់បានផ្តល់នូវដំបូន្មានល្អៗជាច្រើនដល់ខ្ញុំរួចហើយ។ ខ្ញុំមានពេលវេលាដើម្បីត្រៀមខ្លួនសម្រាប់ការផ្លាស់ប្តូរនេះ ទាំងរាងកាយ និងបញ្ញាស្មារតី ហើយខ្ញុំពិតជាបានខិតខំខ្លាំងណាស់ក្នុងការត្រៀមខ្លួនដើម្បីឈានជើងឆ្ពោះទៅរកក្លិបដ៏អស្ចារ្យមួយនេះ” ៕

ដោយ៖ភារៈ