ក្លិប Independiente នៅលីគកំពូលអាហ្សង់ទីនបានចែកផ្លូវគ្នាជាមួយគ្រូបង្វឹកលោក Lucas Pusineri បន្ទាប់ពីដឹកនាំទទួលបានលទ្ធផលមិនល្អនៅក្នុងក្របខ័ណ្ឌ Primera Division របស់ប្រទេសអាហ្សង់ទីន។ នេះបើយោងតាមសារព័ត៌មានស៊ីនហួរកាលពីថ្ងៃទី៨ ខែមករា ឆ្នាំ២០២១។

ការសម្រេចចិត្តនេះត្រូវបានធ្វើឡើងបន្ទាប់ពីកិច្ចប្រជុំមួយដែលមានការចូលរួមពីលោក Pusineri និងមន្រ្តីក្លិបកាលពីថ្ងៃព្រហស្បតិ៍ ហើយបានធ្វើតាមការលាលែងរបស់ប្រធានផ្នែកកីឡាលោក Jorge Burruchagaកាលពីថ្ងៃចន្ទ។

បច្ចុប្បន្នក្រុម Independiente ឈរនៅលំដាប់ទី៥ក្នុងតារាង PrimeraDivision Championship Group A ដោយមានតែ៣ពិន្ទុប៉ុណ្ណោះពី៤ប្រកួត។ លោក Pusineri បានដឹកនាំក្រុម Independienteឈ្នះ១១ ដងស្មើ៧ដង និងចាញ់៩លើកបន្ទាប់ពីទទួលបន្ទុកដឹកនាំក្លិបកាលពីខែមករា។

ក្លិបនឹងត្រូវជំនួសដោយជំនួយការគ្រូបង្វឹកលោក Fernando Beron។ ការប្រកួតបន្ទាប់របស់ក្រុម Independiente នឹងក្លាយជាការប្រកួតនៅក្រៅទឹកដីជាមួយនឹងក្រុម River Plate នៅថ្ងៃសៅរ៍ ៕ដោយ៖ភារៈ