សូមប្រយ័ត្ន! អគារ​ខុន​ដូយីហោ LH RESIDENCE​ អសន្តិសុខ​បណ្ដាលឲ្យមានករណីឃាតកម្មលេីជនជាតិ​ចិន​ប្រុស​ស្រី​២​នាក់​​​

ចែករំលែក៖

ភ្នំពេញ៖ ប្រជាពលរដ្ឋដែលកំពុងស្នាក់នៅក្នុងអគារខុនដូយីហោ LH RESIDENCE​ សូមមានការប្រុងប្រយ័ត្នចំពោះភាពអសន្តិសុខពីព្រោះមានករណីជនមិនស្គាល់មិនធ្វេីសកម្មភាពសម្លាប់ជនជាតិចិនប្រុសស្រីនាក់​​​ នៅក្នុងបន្ទប់ខុនដូយ៉ាងសម្ងាត់។ ខណៈជនសង្ស័យរត់គេចខ្លួនបាត់ដោយសុវត្ថិភាពគ្មានសន្តិសុខណាដឹងលឺនោះទេ។

សូមជម្រាបថាករណីឃាតកម្មខាងលេីនេះ​ ​បង្ក​​ឲ្យមានការភ្ញាក់ផ្អើលដល់សមត្ថកិច្ចមូលដ្ឋាន​ ​ចុះត្រួតពិនិត្យជាក់ស្តែងកាលពីវេលាម៉ោងល្ងាចថ្ងៃទី១៣ ខែមករា ឆ្នាំ២០២១ ស្ថិតនៅក្នុងខុនដូ យីហោ LH RESIDENCE បន្ទប់លេខ A1003 ជាន់ទី១០ ស្ថិតនៅតាមបណ្ដោយផ្លូវលេខ ភូមិ សង្កាត់ទន្លេបាសាក់ ខណ្ឌចំការមនរាជធានីភ្នំពេញ

បេីតាមប្រភពព័ត៍មានពីមន្រ្តីនគរបាលខណ្ឌចំការមនបានឲ្យដឹងថាសពជនរងគ្រោះប្រុសស្រីនាក់នេះ មិនទាន់ស្គាល់អត្តសញ្ញាណនៅឡើយទេ គ្រាន់តែថាដឹងថា ជាជនជាតិចិនស្នាក់នៅក្នុងបន្ទប់កើតហេតុជាមួយគ្នា ក្នុងនោះ​​ស្ត្រីរងគ្រោះមានអាយុ២៣ឆ្នាំ ចំណែក​​បុរសរងគ្រោះ​​មានអាយុ៣៨ឆ្នាំ ដោយឡែកបន្ទប់ជនសង្ស័យដែលជាឃាតករស្នាក់នៅបន្ទប់លេខ A901 ជាន់ទី នៃអាគារខុនដូរជាមួយគ្នា

មន្រ្តីដដែលបន្តថា នៅមុនពេលកេីតហេតុកាលពីថ្ងៃទី១២ ខែមករា ឆ្នាំ២០២១ ជនរងគ្រោះទាំងនាក់ បានមកស្នាក់នៅខុនដូខាងលើ លុះរហូតដល់ថ្ងៃទី១៣ខែមករា(ថ្ងៃកើតហេតុ) បុរសម្នាក់ ដែលដែលជាអ្នកបើកបររថយន្តឲ្យជនរងគ្រោះមិនឃើញជនរងគ្រោះចុះមកក្រោមដូចសព្វដង។ ដោយមានការសង្ស័យ លុះដល់ម៉ោងកើតហេតុ បុរសជាអ្នកបើកបររថយន្តបានឡើងទៅបន្ទប់របស់ជនរងគ្រោះ តែឃើញបន្ទប់ចាក់សោក៏រាយការណ៍ជូនសមត្ថកិច្ចមូលដ្ឋាន ឲ្យចុះទៅជួយបើកទ្វារបន្ទប់ ដើម្បីធ្វើការត្រួតពិនិត្យជាក់ស្តែង

ប្រភពខាងលើ បន្តទៀតថា លុះសមត្ថកិច្ចចុះទៅដល់បានសហការជាមួយអ្នកមើលការខុសត្រូវខុនដូរ និងបានធ្វើការចាក់សោទ្វារចូលទៅក្នុងបន្ទប់​​ដើម្បីរកមើលស្រស្រាប់តែឃើញបុរសរងគ្រោះដេកស្លាប់នៅក្នុងបន្ទប់ទឹក ដោយមានស្នាមរឹត. ចំណែកស្ត្រីរងគ្រោះបានដេកស្លាប់នៅលើគ្រែពូក ដោយមានខ្សែចងជើង និងស្នាមរឹត.ដូចគ្នា

នគរបាលខណ្ឌចំការមន បន្ថែមទៀតថា ករណីខាងលើនេះ ជនសង្ស័យដែលជាឃាត.ករជាអ្នកស្នាក់នៅក្នុងខុនដូជាមួយគ្នាដោយយោងតាមកាមេរ៉ាសុវត្ថិភាព។ ប៉ុន្តែអ្វីដែលសមត្ថកិច្ចពិបាកក្នុងការតាមស្រាវជ្រាវរកជនសង្ស័យដែលគេចខ្លួនបាត់នោះ គឺម្ចាស់ខុនដូមិនបានដកប៉ាស្ព័របស់ជនសង្ស័យទុកនោះ​​ទេ ចំណែកប៉ាស្ព័របស់ជនរងគ្រោះទាំងនាក់មានត្រឹមត្រូវ តាមការណែនាំរបស់អាជ្ញាធរបានឱ្យ​​​ម្ចាស់ទីតាំងត្រូវតែ​​ដកប៉ាស្ព័របស់ជនបរទេសដែលចូលមកស្នាក់នៅ

ពាក់ព័ន្ធនឹងករណីខាងលើនេះដែរ មន្រ្តីនគរបាល​​ជំនាញព្រហ្មទណ្ឌខណ្ឌចំការមនបានឲ្យដឹងនៅព្រឹកថ្ងៃទី១៤ខែមករាឆ្នាំ២០២១នេះថាបន្ទាប់ពីសមត្ថកិច្ចខាងកោសល្យវិច័យបច្ចេកទេសវិទ្យាសាស្ត្ររាជធានីភ្នំពេញ បានពិនិត្យសពនៅកន្លែងកើតហេតុថា ពិតជាករណីឃាតកម្មប្រាកដមែន ចំណែកឯជនសង្ស័យត្រូវសមត្ថកិច្ចជំនាញក្រសួងមហាផ្ទៃនិងនគរបាលរាជធានីភ្នំពេញកំពុងស្វែងរកតាមចាប់ខ្លួនយកមកផ្តន្ទាទោសទៅតាមច្បាប់ខណៈជនសង្ស័យកំពុងព្យាយាមរត់គេចខ្លួនទៅតាមខេត្ត។

ដោយឡែកលោក ថេង សុថុល អភិបាល នៃគណៈអភិបាលខណ្ឌចំការមន​ ក៏បានឲ្យដឹងនៅរសៀលថ្ងៃទី១៤​ ខែមករានេះថា​ ចំពោះទីតាំងខុនដូខាងលេីនេះ​ យេីងមិនទាន់មានផែនការបិទនោះទេ​ ព្រោះខាងកម្លាំងសមត្ថកិច្ចជំនាញកំពុងធ្វេីការស្រាវជ្រាវយ៉ាងដុតដៃដុតជេីង​ ដេីម្បីស្វែងរកវត្ថុតាងបន្ថែមទៀត។

បច្ចុប្បន្ន​ សពជនរងគ្រោះទាំងនាក់ត្រូវបានសមត្ថកិច្ច ធ្វើកោសល្យវិច័យវិច័យរួចដឹកយកទៅតម្កល់ទុកនៅវត្តស្ទឹងមានជ័យ៕ដោយ៖ជីណា

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print