ភ្នំពេញ: រថយន្តកុងតឺន័រមួយគ្រឿងបើកលឿនហ្រ្វាំងមិនជាប់រេចង្កូតទៅបុកសំយ៉ាបផ្ទះប្រជាពលរដ្ឋបណ្តាលឲ្យរងការខូចខាតកាលពីវេលាម៉ោង២១និង៣០នាទីរសៀល ថ្ងៃទី១៥ ខែមករា ឆ្នាំ២០២១ ស្ថិតនៅតាមបណ្តោយផ្លូវច្រកចូលវត្តជន្លង់ម្លូ កែងនិងផ្លូវជាតិលេខ៣ ក្នុងភូមិទួលកី សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។

តាមប្រភពព័ត៌មាននៅទីតាំងកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តសណ្តោងទូរកុងតឺន័រខាងលើពាក់ស្លាកលេខ ភ្នំពេញ 3C-9123 បើកបរដោយបុរសម្នាក់មិនស្គាល់អត្តសញ្ញាណបើករបរក្នុងទិសដៅពីលិចទៅកើតរហូតមកដល់ចំណុចកើតហេតុស្រាប់តែជាន់ហ្រ្វាំងមិនជាប់បណ្តាលឲ្យរេចង្កូតទៅបុកសំយ៉ាបផ្ទះរបស់ប្រជាពលរដ្ឋយ៉ាញពេញទំហឹងបណ្តាលឲ្យខូចខាតរថយន្តអស់ទ្វារខាងស្តាំផ្នែកខាងមុខមួយចំហៀងចំណែកសំយ៉ាបផ្ទះរងការខូចខាតយ៉ាងដំណំ។និងបណ្តាលឲ្យបុរសម្នាក់រងរបួសស្រាល។

ក្រោយកើតហេតុសមត្ថកិច្ចមូលដ្ឋានបានចុះដល់ទីតាំងកន្លែងកើតហេតុពិនិត្យជាក់ស្តែងរួចទើបឲ្យតំណាងភាគីខាងរថយន្តធ្វើការដោះស្រាយជាមួយម្ចាស់ផ្ទះមួយជំហ៊ានសិន៕ដោយ៖សុខាសែនជ័យ​