នាយករដ្ឋមន្ត្រីហុល្លង់ លោក Mark Rutte នៅថ្ងៃទី១៥ខែមករា បានប្រកាសលាលែងចេញពីតំណែង និងរំលាយរដ្ឋសភា ក្រោយពីមានរឿងអាស្រូវពាក់ព័ន្ធនឹងប្រាក់ជំនួយសម្រាប់កុមារ និងគ្រូបង្រៀនរាប់ពាន់គ្រួសារផ្សេងទៀត ។
សារព័ត៌មានហុល្លង់បានផ្សាយថា នាយករដ្ឋមន្ត្រី Mark Rutte បានកោះប្រជុំនៅថ្ងៃទី១៥ខែមករា ហើយប្រកាសលាលែងចេញពីតំណែង។ រដ្ឋាភិបាលរបស់លោក គឺមាន៤គណបក្សចូលរួម។ សកម្មភាពខាងលើកើតឡើងក្នុងពេលដែល នៅសល់តែពីរខែទៀតប៉ុណ្ណោះគឺដល់ការបោះឆ្នោតជាតិ។
ការសម្រេចរបស់នាយករដ្ឋមន្ត្រីហុល្លង់ កើតឡើងក្រោយពេលរដ្ឋាភិបាលរងការចោទប្រកាន់ ពាក់ព័ន្ធនឹងប្រាក់ជំនួយដល់កុមារនិងគ្រួសារជាច្រើន ។ សកម្មភាពខាងលើកើតឡើងក្រោយពេលពលរដ្ឋនាំគ្នាធ្វើបាតុកម្មទាមទារឱ្យរដ្ឋាភិបាលលាលែងចេញពីតំណែង ។ ការធ្វើបាតុកម្មបង្កក្តីបារម្ភយ៉ាងខ្លាំងពីការឆ្លងរាលដាលកូវីដ-១៩ ។
សូមបញ្ជាក់ផងដែរថា ហុល្លង់ស្ថិតនៅក្នុងលំដាប់ទី៩ក្នុងតំបន់អឺរ៉ុប ជាប្រទេសមានករណីឆ្លងកូវីដ-១៩ ច្រើន ។ បច្ចុប្បន្នហុល្លង់ មានអ្នកឆ្លងសរុបជាង៩សែននាក់ និងស្លាប់១២.៨៦៨នាក់ ៕
រូបភាព៖ Reuters
