អន្តរជាតិ៖ បេីយោងតាមវីដេអូបង្ហោះដោយគណនី Facebook ផ្លូវការរបស់ព័ត៌មាន South China Moring Post បានឲ្យដឹងថា មានករណីហិង្សាមួយបានកើតមានឡើងនៅមុខមជ្ឈមណ្ឌលធ្វើតេស្តរកជំងឺកូវីដ១៩ នៅឯប្រទេសចិន ដែលសកម្មភាពនៃការវាយតប់បែបអនាធិបតេយ្យមួយនេះ បានបង្កឡើយពីសំណាក់ក្រុមពលរដ្ឋទៅកាន់អាជ្ញាធរ។
បេីតាមវីដេអូខាងលេីនេះ បានបង្ហាញថា ជនបង្កហេតុមានចំនួន២ នាក់ ត្រូវជាឪពុកកូន ដោយបុរសជាឪពុកមានអាយុ ៦៨ឆ្នាំ។ រីឯបុរសជាកូនមានអាយុ ៤៣ឆ្នាំ ហើយជនបង្កហេតុទាំង២នាក់នេះ បានទៅតម្រង់ជួរ ដើម្បីធ្វើតេស្តស្វែងរកជំងឺកូវីដ ១៩។
ជាក់ស្តែង នៅមុនពេលកើតហេតុ បុរសជាឪពុកកូនទាំង ២នាក់នេះ មិនបានឈរតម្រង់ជួរតាមលំដាប់លំដោយនោះឡើយ គឺពួកគាត់ព្យាយាមប្រជ្រៀតទៅមុនគេ ដោយមិនខ្វល់ពីពលរដ្ឋផ្សេងទៀតដែលមករង់ចាំមុនឡើយ។ បន្ទាប់ពីបានឃើញសកម្មភាពអសីលធម៌បែបនេះ ក្រុមមន្ត្រីប៉ូលីសបានស្លៀកពាក់ឈុតការពារមេរោគ ក៏បានទៅណែនាំឪពុកកូនទាំង ២នាក់នោះ ប៉ុន្តែពួកគាត់មិនព្រមស្តាប់តាមការណែនាំរបស់ប៉ូលីសឡើយ ហើយពួកគាត់ថែមទាំងបានបើកការវាយតប់ទៅកាន់មន្ត្រីប៉ូលីសមុនទៀតផង។
គួរបញ្ជាក់ថា ក្នុងហេតុការណ៍នេះដែរ ផលិតផលចុងក្រោយជនបង្កហេតុទាំង ២នេះ ត្រូវបានមន្រ្តីប៉ូលីសចាប់ខ្លួន ពីបទរំខានដល់ភារកិច្ចរបស់មន្ត្រីអាជ្ញាធរ ដោយពួកគាត់ម្នាក់ៗត្រូវផ្តន្ទាទោសឲ្យជាប់គុករយៈពេល ១ឆ្នាំ និង ១០ខែ។
ដោយឡែកជុំវិញបញ្ហានេះដែរ ក្រុមអ្នកប្រើប្រាស់បណ្តាញសង្គម ក៏បាននាំគ្នារិះគន់ឪពុកកូនទាំង ២នាក់នេះ យ៉ាងខ្លាំងណាស់ដែរ ព្រោះតែពួកគាត់ជាប្រភេទមនុស្សអត្មានិយមមិនចេះខ្វល់ពីអារម្មណ៍អ្នកដទៃ និងមិនបានផ្តល់ការគោរពចំពោះអាជ្ញាធរទាល់តែសោះ៕ដោយ៖សហការ
https://youtu.be/XydzL5ArtM0
