លោក ឧត្តមសេនីយ៍ឯក ស​ ថេត អញ្ជើញជួបសំណេះសំណាលជាមួយក្រុមកីឡាករបាល់ទះនៃស្នងការដ្ឋាននគរបាលរាជធានីភ្នំពេញ

ចែករំលែក៖

ភ្នំពេញ៖ នៅរសៀលថ្ងៃចន្ទ ទី១៨ ខែមករា ឆ្នាំ២០២១ លោកឧត្តមសេនីយ៍ឯក ស  ថេត អគ្គស្នងការរង និងជាស្នងការនគរបាលរាជធានីភ្នំពេញ បានអនុញាតឲ្យក្រុមកីឡាបាល់ទះនៃស្នងការដ្ឋាននគរបាលរាជធានីភ្នំពេញ ដឹកនាំដោយលោកឧត្តមសេនីយ៍ត្រី តឹង សុធី ចូលសម្តែងការគួរសម និង សំណេះសំណាល នៅសាលប្រជុំនៃស្នងការដ្ឋាននគរបាលរាជធានីភ្នំពេញ ។ នាឱកាសនោះដែរលោក ឧត្តមសេនីយ៍ឯក ស  ថេត អគ្គស្នងការរង និងជាស្នងការនគរបាលរាជធានីភ្នំពេញ បានសម្តែងសេចក្តីរីករាយ និងវាយតម្លៃខ្ពស់ ចំពោះការរីកចម្រេីនសមត្ថភាពក្នុងការហ្វឹកហាត់ របស់ក្រុមកីឡាបាល់ទះនៃស្នងការដ្ឋាននគរបាលរាជធានីភ្នំពេញ ដែលបានពង្រឹងសមត្ថភាព សាមគ្គីភាព និងទទួលជ័យជម្នះជាបន្តបន្ទាប់នាពេលកន្លងមក។ លោកស្នងការក៏បានណែនាំឲ្យក្រុមកីឡាបាល់ទះទាំងអស់នៃស្នងការដ្ឋាននគរបាលរាជធានីភ្នំពេញ យកចិត្តទុកដាក់ហ្វឹកហាត់ពង្រឹងសមត្ថភាពបន្ថែមទៀត គោរពវិន័យកីឡា  ដើម្បីត្រៀមប្រកួតដណ្តើមយកពានរង្វាន់ថ្នាក់ជាតិ និងអន្តរជាតិនាពេលខាមុខ។ ជាកិច្ចបញ្ចប់លោកឧត្តមសេនីយ៍ឯក ស  ថេត អគ្គស្នងការរង និងជាស្នងការនគរបាលរាជធានីភ្នំពេញ បានប្រគល់ថវិកាមួយចំនួន ដើម្បីលើកទឹកចិត្តដល់ក្រុមគ្រូបង្ហាត់ និងក្រុមកីឡាបាល់ទះនៃស្នងការដ្ឋាននគរបាលរាជធានីភ្នំពេញផងដែរ៕

ដោយ៖ សិលា

...


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print