ខេត្តព្រះសីហនុ៖ មានករណីគ្រោះថ្នាក់ចរាចរណ៍មួយកើតឡើង ដោយយុវជនម្នាក់ជិះម៉ូតូបុកសត្វឆ្កែមួយក្បាល បណ្តាលឲ្យដួលចូលក្រោមកង់រថយន្តមួយគ្រឿងកិនស្លាប់យ៉ាងអណោចអធម័ នៅវេលាម៉ោង ៦:៣០ នាទីព្រឹកថ្ងៃទី១៩មករា២០២១លើផ្លូវជាតិលេខ៤ ចន្លោះបង្គោលគីឡូម៉ែត្រលេខ ១៧៣-១៧៤ ស្ថិតនៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ ។
យោងតាមការបញ្ជាក់ពីសមត្ថកិច្ចបានឲ្យដឹងថា អ្នកបើកបរម៉ូតូម្នាក់ឈ្មោះ មុត មាន ភេទប្រុស អាយុ ១៨ឆ្នាំ មានទីលំនៅភូមិត្រពាំងគា ឃុំជើងគោ ស្រុកព្រៃនប់ ខេត្តព្រះសីហនុ បានស្លាប់ក្នុងហេតុការណ៍គ្រោះថ្នាក់ចរាចរណ៍ ម៉ូតូបុកឆ្កែដួលចូលរថយន្ត បណ្តាលអោយរថយន្តកិនស្លាប់នៅនិងកន្លែងកើតហេតុ។
ក្រោយពេលកើតហេតុ រថយន្តដែលបើកកិនជនរងគ្រោះនោះបន្តបើកទៅមុខបាត់ ជាមួយគ្នានេះសមត្ថកិច្ចកំពុងធ្វើការស្រាវជ្រាវដើម្បីដោះស្រាយតាមនីតិវិធីច្បាប់ ៕ឆ្លាម សមុទ្រ