ខេត្តបន្ទាយមានជ័យ៖ ស្ត្រីម្នាក់បានស្លាប់ភ្លាមៗនៅនឹងកន្លែងនិងរបួសជាច្រើនផ្សេងទៀតខណះអាស៊ីុណាបុកសាំយ៉ុងពេលកំពុងភ្លៀងធ្លាក់។
ហេតុការណ៍ដ៏រន្ធត់នេះបានកើតឡើងនៅវេលាម៉ោង៦និង១៥នាទីថ្ងៃទី២៤ ខែកុម្ភៈ ឆ្នាំ២០១៦ នៅលើកំណាត់ផ្លូវជាតិលេខ៥ចុងស្ពានទឹកថ្លា ចំណុចកោងស្ថិតក្នុងភូមិបាណយ សង្កាត់ទឹកថ្លា ក្រុងសិរីសោភ័ណខេត្តបន្ទាយមានជ័យ។
សមត្ថកិច្ចនូវមិនទាន់បញ្ជាក់បានពីអត្តសញ្ញាណស្ត្រីរងគ្រោះនៅឡើយទេ តែបាននិយាយថារថយន្តអាស៊ីុណាជារថយន្តតាក់ស៊ីុចេញដំណើរពីក្រុងប៉ោយប៉ែតឆ្ពោះទៅរាជធានីភ្នំពេញហើយចំពោះរថយន្តសាំយ៉ុងដឹកអ្នកដំណើរទេសចរណ៍ទៅក្រុងប៉ោយប៉ែតលុះមកដល់ចំនុចកើតហេតុអាចមកពីបើកលឿនហើយមានភ្លៀងផងមើលផ្លូវមិនឃើញទើបអាស៊ីុណារេទៅបុកសាំយ៉ុងពេញទំហឹងក្រឡាប់ជាច្រើនត្រឡប់រួចទៅបុកផ្ទុបជាមួយបង្គោលភ្លើងដាច់ទ្វារខ្ទាតអ្នកជិះចេញមកក្រៅតែម្តង។
បច្ចុប្បន្នសមត្ថកិច្ចបានចុះទៅជួយអន្តរាគមន៍យកអ្នករងរបួសទៅកាន់មន្ទីរពេទ្យ៕
ដោយ៖ សុខ ខេមរា
