ខេត្តកំពង់ចាម ៖ ពលរដ្ឋអ្នកនេសាទនៅតែបន្តប្រេីប្រាស់ឧបករណ៍ល្មេីសច្បាប់ដែលរដ្ឋហាមឃាត់ដូចជា ដាក់លូស្បៃមុង របាំងព្រួលចាប់យកត្រីតូចធំ ប៉ុន្តែត្រូវបានកម្លាំងសមត្ថកិច្ចចុះបង្ក្រាបដុតឧបករណ៍ទាំងនេះចោលនៅនឹងកន្លែងតែម្តង ។
ជាក់ស្ដែងនៅព្រឹកថ្ងៃទី២១ ខែមករា ឆ្នាំ២០២១ វេលាម៉ោង៨និង០០នាទី កម្លាំងជំនាញនៃអធិការដ្ឋានស្រុកកងមាស សហការជាមួយកម្លាំងប៉ុស្ដិ៍នគរបាលរដ្ឋបាលរកាគយ សហគមន៍ ក្រុមប្រឹក្សាឃុំ និងប្រជាការពារ បានចុះបង្ក្រាបបទល្មើសនេសាទខុសច្បាប់នៅចំណុចបឹងគោលក្រោយភូមិពង្រ ឃុំរកាគយ ស្រុកកងមាសចម្ងាយពីភូមិប្រហែល៣៥០០ម៉ែត្រ ។
លទ្ធផលនៃការចុះបង្រ្កាបបានដូចជា ៖
-លូស្បៃមុងចំនួន២១មាត់
-របាំងព្រួលប្រវែង១២០០ម៉ែត្រ
-ចាក់លែងកូនត្រី៤៥គីឡូក្រាម ។
ចំពោះឧបករណ៍ខាងលើនេះ កម្លាំងសមត្ថកិច្ចបានដុតបំផ្លាញចោលនៅចំណុចមាត់បឹងគោល តាមចំណាត់ការបង្គាប់បញ្ជារបស់លោកតូច ឧត្តមព្រះរាជអាជ្ញារងផងដែរ ៕វណ្ណៈ
