ប្រធានាធិបតី ចូ បៃឌិន តែងតាំងរដ្ឋមន្ត្រីមានដើមកំណើតវៀតណាម

ចែករំលែក៖

ប្រធានាធិបតី ចូ បៃឌិន បានតែងតាំង លោក ដាក ត្រឹង(Dat Tran) ជារដ្ឋមន្ត្រី នៃអតីតយុទ្ធជនអាមេរិក ការតែងតាំងនោះមានប្រសិទ្ធភាពភ្លាមៗ។ នេះជាជនជាតិវៀតណាមដំបូងគេដែលត្រូវបានតែងតាំងជារដ្ឋមន្រ្តីក្នុងរដ្ឋាភិបាលអាមេរិក។ តាមសារព័ត៌មាន Star&Stripes លោក Dat Tran នឹងចូលកាន់តំណែងជំនួស អតីតរដ្ឋមន្ត្រី ទទួលបន្ទុកយុទ្ធជនRobert Wilkie ដែលកាន់តំណែងនេះតាំងពីខែកក្កដាឆ្នាំ២០១៨។ ការកាន់តំណែង គ្រាន់តែបណ្តោះអាសន្នប៉ុណ្ណោះ ដោយរងចាំ ព្រឹទ្ធសភា អាមេរិក អនុម័តទើប កាន់តំណែងពេញសិទ្ធ។ នៅពេលនេះគេមិនទាន់ដឹងថា លោក Dat Tran កាន់តំណែងនេះបានយូប៉ុណ្ណានោះឡើយ។ នៅថ្ងៃទី ២៧ខែមករាខាងមុខ នឹងអនុម័តឲ្យចូលកាន់តំណែង បណ្តោះអាសន្ន ដើម្បីរងចាំរដ្ឋមន្ត្រីថ្មីមកចូលកាន់តំណែង។ លោក Dat Tran ធ្លាប់កាន់តំណែងជារដ្ឋលេខាធិការ ក្រសួងអតីតយុទ្ធជន អាមេរិក ។ លោកបានធ្វើការនៅក្នុងស្ថាប័ននេះជាង ១០ ឆ្នាំ កន្លងមកហើយ។ លោកក៏បានធ្វើជាទីប្រឹក្សា ដល់រដ្ឋមន្ត្រីជាច្រើនរូប ផងដែរ។ មុនពេលធ្វើការឲ្យរដ្ឋាភិបាលអាមេរិក លោក Dat tran ធ្លាប់ធ្វើជានាយកប្រតិបត្តិនៃក្រុមហ៊ុន អគ្គិសនីយ៍ Square D នៅទីក្រុង Milwaukee រដ្ឋ Wisconsins។ លោក Dat tran បានបញ្ចប់មហាវិទ្យាល័យ Ohio ផ្នែកបច្ចេកទេសនិង បណ្តាញឧស្សាហកម្ម៕