កម្លាំងទាហានមីយ៉ាន់ម៉ា បានប្រកាសឲ្យដឹងថា នៅក្នុងឆ្នាំ២០២០ កន្លងមក កម្លាំងទាហានចាប់បានគ្រឿងញៀនជាច្រើន គិតជាទឹកប្រាក់ដល់ទៅ១,៣ពាន់ពាន់លានKyat (ស្មើ ៩៨១លានដុល្លារអាមេរិក) ។
កម្លាំងទាហានមីយ៉ាន់ម៉ា រឹបអូសបានហេរ៉ូអុីនចំនួន1.438 គីឡូក្រាម កញ្ឆា និងគ្រឿងញៀនគ្រាប់ មានម៉ាទឹកកក … រាប់រយលានគ្រាប់។ មិនតែប៉ុណ្ណោះកម្លាំងទាហានមីយ៉ាន់ម៉ាក៏បានបំផ្លាញដំណាំគ្រឿងញៀននៅលើផ្ទៃដីដល់ទៅ៤០ម៉ឺនម៉ែត្រការ៉េ ក្នុងឆ្នាំ២០២០។
គ្រឿងញៀនភាគច្រើនចាប់បាននៅក្នុងរដ្ឋ Shan រដ្ឋរ៉ាឃីន និងទីក្រុង Yangon ផងដែរ។ កម្លាំងទាហានមីយ៉ាន់ម៉ា បានបើកយុទ្ធនាការកម្ចាត់គ្រឿងញៀននៅទូទាំងប្រទេសដោយមានការចូលរួមពីបណ្តាស្ថាប័នពាក់ព័ន្ធ ក្នុងនោះមានទាំងកម្លាំងសន្តិសុខផងដែរ។
មីយ៉ាន់ម៉ាជាប្រទេសដែលដាំដុះគ្រឿងញៀន ក៏ដូចជាផលិតគ្រឿងញៀនច្រើនជាងគេនៅក្នុងតំបន់ ។ គ្រឿងញៀនដែលចរាចរក្នុងតំបន់អាស៊ាន និងតំបន់ផ្សេងៗទៀតមានប្រភពមកពីមីយ៉ាន់ម៉ា ទាំងអស់៕ ដោយសាធី
