ភ្នំពេញ៖ ជនសង្ស័យម្នាក់ចូលទៅលួចទួរស័ព្ទដៃម៉ាកiPhone5 នៅក្នុងផ្ទះត្រូវម្ចាស់ផ្ទះទាន់ចាប់ប្រគល់នគរបាលប៉ុស្តិ៍ទន្លេបាសាក់ កាលពីវេលាម៉ោង១ និង២០នាទី ថ្ងៃទី២៥ ខែកុម្ភៈ ឆ្នាំ២០១៦ នៅចំណុចផ្ទះជួលមួយកន្លែងស្ថិតនៅតាមបណ្តោយផ្លូវលេខ៦៣ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

ជនសង្ស័យឈ្មោះ អូន គុំសល អាយុ២២ឆ្នាំមុខរបរមិនពិតប្រាកដស្នាក់នៅសង្កាត់ចាក់អង្រែលើខណ្ឌមានជ័យ។

តាមប្រភពព័ត៌មានពីជនរនគ្រោះបានប្រាប់ឱ្យដឹងថា មុនពេលកើតហេតុគេជើញជនសង្ស័យម្នាក់បានជិះម៉ូតូ១គ្រឿងម៉ាកស៊ុយសាគ្គី វ៉ាវី ពណ៍ខ្មៅ ពាក់ស្លាក់លេខភ្នំពេញ1BJ-0715 ចុះឡើងនៅមុខផ្ទះកើតហេតុខាងលើមួយស្ទុះក្រោយមកក៏ស្រាប់តែមានជនសង្ស័យម្នាក់បានបើកទ្វារផ្ទះរបស់ជនរងគ្រោះហើយបានចូលទៅលួចទួរស័ព្ទដៃម៉ាកiPhone5នៅក្នុងផ្ទះ ពេលនោះជនរងគ្រោះក៏បានលឺសំលេងទ្វារផ្ទះដូចជាមានគេបើកក៏បានស្ទុះមកមើលក៏ស្រាប់តែឃើញជនសង្ស័យម្នាក់កំពុងតែលួចដោះទូរស័ព្ទរបស់ខ្លួន ពេលនោះជនរងគ្រោះក៏ដេញតាមពីក្រោយហើយស្រែកថាចោរៗចៃដន្យពេលនោះក៏ត្រូវកម្លាំងល្បាតនគរបាលប៉ុស្តិ៍ទន្លេបាសាក់ប្រទះឃើញក៏ដេញចាប់ភ្លាមៗតែម្តង។

ក្រោយពេលកើតហេតុជនសង្ស័យត្រូវបានសមត្ថកិច្ចនាំទៅកាន់ប៉ុស្តិ៍នគរបាលរដ្ឋបាលទន្លេបាសាក់ធ្វើការសាកសួរ និងកសាងសំណុំរឿងបញ្ជូនទៅអធិការដ្ឋាននគរបាលខណ្ឌចំការមនដើម្បីចាត់ការបន្តតាមនិតិវិធីច្បាប់ ។ ចំណែកទូរស័ព្ទដៃជនរងគ្រោះត្រូវបានសមត្ថកិច្ចប្រគល់ឱ្យទៅរងគ្រោះវិញ៕

ដោយ៖ ស រស្មី