ខេត្តស្វាយរៀង៖ បុរសម្នាក់បានស្លាប់
ក្នុងចំណោម៥នាក់បន្ទាប់ពីជួបករណីគ្រោះថ្នាក់ចរាចរណ៍ជិះរ៉ឺម៉កម៉ូតូដឹកដែកបុកអណ្តូងមិនប្រយ័ត្នបណ្ដាលឱ្យរ៉េចង្កូតធ្លាក់ផ្លូវបង្កការភ្ញាក់ផ្អើលដល់អ្នកភូមិនិងអ្នកធ្វើដំណើរព្រមទាំងសមត្ថកិច្ចមកអន្តរាគមន៍។

ហេតុការណ៍ខាងលើនេះបានកើតឡើងកាលពីវេលាម៉ោង៣និង៥០នាទីរសៀលថ្ងៃទី២ ខែកុម្ភៈ ឆ្នាំ២០២១
ស្ថិតនៅចំណុច ភូមិត្រពាំងរំដេញ ឃុំត្រពាំងស្ដៅ ស្រុករមាសហែក ខេត្តស្វាយរៀង។

បើតាមសមត្ថកិច្ចនគរបាលស្រុកបានអោយដឹងថា អ្នកដែលស្លាប់មានឈ្មោះ
ចាប  ញឹប អាយុ៥៧ឆ្នាំ មុខរបរបើករ៉ឺម៉ក
រស់នៅភូមិត្រកៀបក្តាម ឃុំត្រពាំងស្ដៅ ស្រុករមាសហែកខេត្តស្វាយរៀង។

ចំណែកបុរស៤នាក់ទៀតមិនត្រូវបានស្គាល់អត្តសញ្ញាណដោយមិនមានរងរបួសនោះទេគ្រាន់តែខូចខាតរ៉ឺម៉កម៉ូតូប៉ុណ្ណោះ។

បើតាមអ្នកភូមិបានអោយដឹងថា មុនកើតហេតុមានរ៉ឺម៉កម៉ូតូមួយគ្រឿងដឹកដែកបុកអណ្តូងមានគ្នា៥នាក់ទាំងអ្នកបើកដោយធ្វើដំណើរពីជើងមកត្បូងខណះនោះមិនដឹងយ៉ាងម៉េចស្រាប់តែរ៉េចង្កូតធ្លាក់ផ្លូវបណ្ដាលអោយបុរសម្នាក់ស្លាប់បន្ទាប់ពីបញ្ជូនមកដល់មន្ទីរពេទ្យបង្អែកស្រុក រមាសហែកចំណែក៤នាក់ទៀតមិនមានរងគ្រោះថ្នាក់អ្វីនោះទេ។

សពត្រូវបានសមត្ថកិច្ចធ្វើកំណត់ហេតុនិងប្រគល់អោយក្រុមគ្រួសារយកមកធ្វើបុណ្យតាមប្រពៃណីទាំងក្ដុកក្ដួលបំផុត៕

ដោយ៖ យឹម សុថាន