ភ្នំពេញ, លោកស្រី ឱ វណ្ណឌីន អ្នកនាំពាក្យក្រសួងសុខាភិបាលបានបញ្ជាក់ឲ្យដឹងថា, ល្បិចថ្មី ក្រលៃការពិត ឆ្នៃប្រឌិតរឿងកូវីដ-១៩ នៅកម្ពុជា ដែលក្រសួងសុខាភិបាល សូមធ្វេីការច្រានចោលទាំងស្រុង និងសូមអជ្ញាធរមានសមត្ថកិច្ចជួយចាត់ការតាមផ្លូវច្បាប់ផងចុះ។
លោកស្រីអ្នកនាំពាក្យបានលើកឡើងថា, ខ្ញុំសូមប្រកាសច្រានចោលទាំងស្រុងនូវការប្រឌិត និង ចោទប្រកាន់ ពាក់ព័ន្ធនិងរូបខ្ញុំផ្ទាល់ និងករណ៏ប្រជាជន ខ្មែរស្លាប់ដោយសារជំងឺកូវីដ-១៩ ដែលបានលើកឡើង ដោយជនអគតិ នៅក្នុងការផ្សាយអត្ថបទដែលមាន គណនីយ ឈ្មោះ ភ្នែក ខ្មែរ នេះ។
លោកស្រី ឱ វណ្ណឌីន បន្តថា ,ខ្ញុំសូមបញ្ជាក់ជូនសារជាថ្មីថា មកទល់ថ្ងៃទី១៩ ខែកុម្ភៈ ឆ្នាំ២០២១ នេះ មិនទាន់មានអ្នកជំងឺណាម្នាក់ស្លាប់ដោយ សារជំងឺក្ខវីដ-១៩ នោះឡើយ។ ខ្ញុំសូមផ្តន្ទាទោសជន បង្កបំពុលសង្គមយើងនេះ ដោយយករឿងជំងឺកូវីដ-១៩ មកបំភ្លៃការពិតនៅកម្ពុជាទាំងស្រុង។ មេបោកពិត ប្រាកដ គឺជនអគតិនេះឯង ដែលមិនដឹងពីស្ថានភាពជំងឺ កូវីដ-១៩ នៅកម្ពុជា ពិតប្រាកដ ចេះតែឆ្នៃប្រឌិតសាច់ រឿងខុសពីការពិតទាំងស្រុង។ ខ្ញុំសូមអំពាវនាវដល់ អាជ្ញាធរមានសមត្ថកិច្ច ជួយចាត់ការតាមផ្លូវច្បាប់ផងចុះ។ សូមអរគុណ
ដោយ, សិលា
