ភ្នំពេញ, ក្រសួងធម្មការ និងសាសនា បានចេញសេចក្តីជូនដំណឹង ស្តីពី ការផ្អាកដំណើការប្រឡងវិញ្ញាបនបត្រពុទ្ធិកបឋមសិក្សាឆ្នាំសិក្សា២០២០-២០២១។
ដើម្បីចៀសវាងការឆ្លងជំងឺកូវីដ- ១៩ ចូលក្នុងមណ្ឌលប្រឡង និងរីករាលដាល ក្នុង សហគមន៍ ក្នុងព្រឹត្តិការណ៍សហគមន៏ ២០ កុម្ភៈ ស្តីពីករណ៏ជំងឺរាតត្បាតជំងឺកូវីដ-១៩ ក្រសួងសូមទូលប្រគេន និងជម្រាបជូន សម្តេចព្រះអគ្គាធិការពុទ្ធិកសិក្សាជាតិ និង ប្រធានមន្ទីរធម្មការ និងសាសនារាជធានី-ខេត្តព្រះមេត្តាជ្រាប និងជ្រាបថា៖ ក្រសួងសូមធ្វើការផ្អាកជាបណ្តោះអាសន្ន ក្នុងការរៀបចំការប្រឡងវិញ្ញាបនបត្រពុទ្ធិកបឋមសិក្សាសម្រាប់ឆ្នាំសិក្សា២០២០-២០២១ ដែលប្រព្រឹត្តទៅនៅថ្ងៃទី ២១ ខែកុម្ភៈ ឆ្នាំ ២០២១ ដែលមាន១៥ មណ្ឌល។ សេចក្តីប្រគេន -ជូនដំណឹងខាងលើ សូម សម្តេចព្រះអគ្គាធិការពុទ្ធិកសិក្សាជាតិ និងប្រធានមន្ទីរធម្មការ និង សាសនារាជធានី-ខេត្ត ត្រូវធ្វើការផ្សព្វផ្សាយឱ្យបានទូលំទូលាយដល់គ្រប់មណ្ឌលប្រឡងទាំង១៥ និងសូមចូលរួម សហការអនុវត្តឱ្យមានប្រសិទ្ធិភាព៕
ដោយ, សិលា
