ក្លិបបាល់ទាត់ Manchester Cityបានយកឈ្នះលើក្រុមហង្សក្រហមLiverpoolដោយបាល់ប៉េណាល់ទីក្នុងលទ្ធផល៣-១ ហើយក្លាយទៅជាម្ចាស់ជើងឯកអង់គ្លេស Capital One Cup ឆ្នាំ២០១៦។
ក្រុមទាំងពីរបានប៉ះគ្នានៅក្នុងកីឡាដ្ឋាន Wembleyកាលពីយប់មិញ ដោយប្រកួតចប់លទ្ធផលស្មើ១-១។ ក្រុមMan Cityគឺជាអ្នកនាំមុខមុនដោយកីឡាករ Fernandinho នៅនាទី ៤៩ ចំណែកក្រុមLiverpoolបានតាមស្មើវិញ ដោយកីឡាករ Philippe Coutinhoនៅនាទី៨៣។
អ្នកចាំទីសញ្ជាតិអាហ្សង់ទីន វ័យ៣៤ឆ្នាំ Willy Caballeroគឺជាវីរៈបុរសដែលអាចរាំងមិនឲកីឡាករបីរូប Lucas, Philippe Coutinho និង Adam Lallana របស់ហង្សក្រហមស៊ុតបញ្ចូលទី បានក្នុងពេលកាត់សេចក្តីដោយបាល់ប៉េណាល់ទី។ លទ្ធផលគឺMan City៣Liverpool១។
កីឡាករ Caballeroបាននិយាយទាំងទឹកភ្នែកថា “វាពិតជាអស្ចារ្យណាស់ដែលបានឈ្នះពាននេះ។ អស្ចារ្យសម្រាប់អ្នករាល់គ្នាក្នុងក្លិប សម្រាប់ខ្ញុំ និងក្រុមគ្រួសារខ្ញុំផងដែរ”។