ខេត្តកំពង់ស្ពឺ៖ ជនសង្ស័យម្នាក់ និងគ្រឿងញៀនចិត្តមួយគីឡូក្រាម សមត្ថកិច្ចជំនាញបានកសាងសំណុំរឿង បញ្ជូនទៅសាលាដំបូងខេត្តកំពង់ស្ពឺ បន្តតាមនីតិវិធី ។
គួររំលឹកថាកាលពីថ្ងៃទី០៤ ខែកុម្ភៈ ឆ្នាំ២០២១ វេលាម៉ោង ២១និង៣០នាទី កម្លាំងជំនាញ(ក៤)នៃមន្ទីរប្រឆាំងបទល្មើសគ្រឿងញៀន ដឹកនាំដោយលោក ឧត្តមសេនីយ៍ទោ ឃឹង សារ៉ាត់ នាយករងមន្ទីរ មានការចូលរួមកម្លាំងជំនាញ នៃស្នងការដ្ឋាននគរបាលខេត្តកំពង់ស្ពឺ និងមានការសម្របសម្រួលដោយលោកស្រីព្រះរាជអាជ្ញាចាត សូរស្មី បានបើកការស្រាវជ្រាវ បង្រ្កាបនិងឃាត់ខ្លួនជនសង្ស័យនៅចំណុច បណ្តោយផ្លូវល្បឿនលឿន ស្ថិតក្នុងភូមិព្រែកកំពោង ឃុំកាហែង ស្រុកសំរោងទង ខេត្តកំពង់ស្ពឺ ។
សមត្ថកិច្ចបានឲ្យដឹងថាជនសង្ស័យដែលឃាត់ខ្លួនខាងលើឈ្មោះ យ៉ន យុទ្ធ ភេទប្រុស អាយុ ២៤ឆ្នាំ ជនជាតិខ្មែរ និងដកហូតបានវត្ថុតាងសារធាតុញៀន ប្រភេទម៉េតំហ្វេតាមីន(ICE) ទម្ងន់សុទ្ធ ៩៤១.៧៩ក្រាម ៕

ដោយ ស សម