ភ្នំពេញ៖ ទន្ទឹមនឹងក្រសួងព័ត៌មាន បានចេញសេចក្ដីជូនដំណឹងហាមមិនឱ្យ ម្ចាស់ស្ថានីយទូរទស្សន៍ និងវិទ្យុទាំងអស់ បញ្ឈប់ការចាក់ផ្សាយបទចម្រៀង“ស្អាត ជានិច្ច”របស់អ្នកនាងពេជ្រ សោភា ក្នុង ផលិតកម្មហង្សមាស ដោយបទចម្រៀង និពន្ធថ្មីនេះ ប្រាសចាកពីអត្ថន័យដើមនិង ជះឥទ្ធិពលមិនល្អដល់កុមារទូទៅជាទំញំង ស្នងឫស្សី មិនត្រឹមតែមជ្ឈដ្ឋានមហា ជនផ្ដោតការចាប់អារម្មណ៍ជាមួយនិង ការរិះគន់ដ៏ធ្ងន់ធ្ងរប៉ុណ្ណោះទេ សូម្បីតែ ម្ចាស់បទដើម លោកងិន សុខក្រវ៉ារ បានមានប្រសាសន៍ថា “អ្នកនាងពេជ្រ សោភា ប្រហែលជាគិតថា ម្ចាស់ដើម បានស្លាប់បាត់ទៅហើយ បានជាហ៊ាន យកបទរបស់លោកមកកែច្នៃ ដោយ មិនមានការអនុញ្ញាតបែបនេះ?”
លោកងិន សុខគ្រវ៉ារ ជាអ្នកនិពន្ធបទ ភ្លេង និងទំនុកច្រៀងបទ “ស្អាតជានិច្ច” បច្ចុប្បន្នមានឋានៈជាទីប្រឹក្សាក្រសួង ព័ត៌មាន បានសោកស្ដាយយ៉ាងខ្លាំងនូវ អ្វីដែលអ្នកនាង ពេជ្រ សោភា យកបទ ចម្រៀងរបស់លោកកែច្នៃខុសពីលំនាំ ដើម ក្នុងនោះលោកលើកឡើងថា ការ យកបទរបស់លោកមកកែច្នៃបែបនេះ បានឱ្យប៉ះពាល់ក្មេងៗខ្លាំងណាស់ ផ្ទុយពី ខ្លឹមសារដើម និងរំលោភសិទ្ធិ កម្មសិទ្ធិ បញ្ញារបស់លោក ។ បើទោះជាលោក គ្មានគម្រោងប្ដឹងទៅខាងផលិតកម្មហង្ស មាសក៏ដោយ ប៉ុន្ដែលោកនឹងមានគម្រោង ទៅជួបខាងផលិតកម្មផ្ទាល់ ដើម្បីជជែក លើបញ្ហានេះ ថាតើគួរមានសំណងឬយ៉ាង ណា? លោកបញ្ជក់ថា បើមិនមានដំណោះ ស្រាយណាមួយឱ្យសមហេតុផលទេនោះ លោកនឹងរកអ្នកច្បាប់ជួយលោកលើកិច្ច ការនេះ ។
ដោយឡែកខាងផលិតកម្មហង្សមាស ក៏ដូចជា លោក អ៊ិន ទីតូ អ្នកគ្រប់គ្រង កម្មវិធីសិល្បៈនៃទូរទស្សន៍ហង្សមាស មិនអាចទាក់ទងបានទេ នារសៀលថ្ងៃទី៣ ខែមីនា ឆ្នាំ*២០១៦ ដោយគ្មានលេខ ទូរស័ព្ទ ។ ប៉ុន្ដែតារាចម្រៀងពេជ្រ សោភា បញ្ជាក់ថា បទនេះគឺនាងជាអ្នកនិពន្ធ ហើយខ្លួនមិនមានបំណងមិនល្អណាមួយ ក្នុងការបង្ហាញខ្លឹមសារអវិជ្ជមាន ឬផ្ដល់ គំរូអាក្រក់ណាមួយនោះទេ គ្រាន់តែចង់ រំលឹកអំពីជីវិតនៅក្មេង ដើរលេង ឈូស ស្បែកជើងប៉ុណ្ណោះ ផ្ទុយទៅវិញនាងក៏ចង់ អប់រំដល់កុមារឱ្យចេះសំអាតខ្លួន កុំឱ្យ ខ្ជិលច្រអូសប៉ុណ្ណោះ ។
លោក ងិន សុខគ្រវ៉ារ បានលើកឡើង ផងដែរថា បទស្អាតជានិច្ច លោកបាន និពន្ធឡើង ក្នុងអំឡុងខែមិថុនា ឆ្នាំ១៩៨២ ដែលចម្រៀងមួយនេះ ច្រៀងដោយក្រុម កុមារនៃមជ្ឈមណ្ឌលកូលាបទី១ ប្រគំភ្លេង ដោយក្រុមតន្ដ្រីវិទ្យុជាតិ ។ បទមួយនេះ លោកនិពន្ធឡើង ក្នុងន័យមួយដើម្បីឱ្យ កុមារចេះធ្វើអនាម័យខ្លួន ក្នុងការរស់នៅ រាល់ថ្ងៃ ។ លោករំលឹកថា ប្រឡូកក្នុង អាជីពអ្នកនិពន្ធតាំងពីបែករបបខ្មែរ ក្រហម មកទល់ពេលនេះលោកមានវ័យ ៦៦ឆ្នាំហើយ ។ យ៉ាងតិចបទចម្រៀងជាង ១០០បទដែលធ្លាប់និពន្ធ ប៉ុន្ដែមិនទាន់ បានយកបទមួយណាទៅចុះបញ្ជីកម្មសិទ្ធិ បញ្ញានៅឡើយទេ ។
មជ្ឈដ្ឋានទូទៅ ពិតជាមិនពេញចិត្ដ ទាល់តែសោះ ចំពោះបទចម្រៀងស្អាត ជានិច្ច ត្រូវបានអ្នកចម្រៀងពេជ្រ សោភា និងលោក ដេវិដ ជាមួយនិងផលិតកម្ម ហង្សមាស យកទៅច្រៀង និងឈុតឆាក កាយវិការមិនគប្បី ប្រឡូកប្រឡាក់ ជះឥទ្ធិពលដ៏អាក្រក់ដល់កុមារទូទៅឱ្យទៅ ជាបទចម្រៀងរាំញាក់ទទ្រើក DJចម្បង វប្បធម៌បរទេស ដើម្បីជាការសប្បាយ ភ្លេចគិតពីវប្បធម៌ សីលធម៌របស់ជាតិ ខ្លួនឯង ។
បទចម្រៀងស្អាតជានិច្ច ច្នៃថ្មីដោយ តារាចម្រៀងពេជ្រ សោភា និងលោក ដេវីដ ត្រូវបានចេញលក់នៅក្នុងស៊ីឌីវ៉ុ់ល ៥២៥របស់ផលិតកម្មហង្សមាស ។ បទ នេះត្រូវបានផលិតកម្មហង្សមាស ផ្សព្វ ផ្សាយជាសាធារណៈ ក្នុងវីស៊ីឌីវ៉ុល១៥៩ និងចេញលក់កាលពីចុងខែមីនា ឆ្នាំ២០១៥ មកម្ល៉េះ ។
ប្រជាពលរដ្ឋគាំទ្រចំពោះចំណាត់ការ របស់ក្រសួងព័ត៌មានបញ្ឈប់ឱ្យម្ចាស់ ស្ថានីយ ទូរទស្សន៍ និងវិទ្យុផ្សាយបទ ចម្រៀងថ្មីមួយនេះ ។ ទន្ទឹមនឹងការបញ្ឈប់ ប្រជាពលរដ្ឋ មន្ដ្រីរាជការ ក៏សំណូមពរ ផងដែរឱ្យក្រសួងពាក់ព័ន្ធ មេត្ដារឹតបន្ដឹង រាល់ការកែច្នៃ និពន្ធថតចម្លង វប្បធម៌ ពីបរទេស មិនបានលើកតំកើងជាតិ សាសន៍ខ្លួនឯង ។ ម្យ៉ាងទៀតភាពខ្វះការ ទទួលខុសត្រូវ និងវប្បធម៌ជ្រួលជ្រើម ទាំងនេះហើយ ដែលទាំងបទចម្រៀង ទាំង ការសម្ដែងរបស់តារាយើង ច្រើនបាត់ បង់ប្រជាប្រិយ រួចហើយម្នាក់ៗចាប់ ផ្ដើមសំណូមពរឱ្យពលរដ្ឋគាំត្រ វិស័យ សិល្បៈរបស់ខ្មែរ ប៉ុន្ដែករណីខ្លះអស់លោក អ្នកនិពន្ធ អ្នកដឹកនាំរឿង គ្រប់គ្រងកម្មវិធី ជាមួយអ្នកសម្ដែងផងនោះ គិតឃើញតែ មួយជ្រុងមិនបានគិតដល់ផលប៉ះពាល់ ទើបប្រឈមនឹងការបាត់បង់ប្រជាប្រិយ ភាព ក៏ដូចជាការរិះគន់ដូចជាពេលនេះ ជាដើម ៕
ដោយ៖ វឌ្ឍនា
