ភ្នំពេញ៖ រថយន្តដឹកផ្លែឈេីមួយគ្រឿង
បេីកចេញពីផ្សារនាគមាសបំណងទៅខេត្តបាត់ដំបង តែមិនទាន់ទៅដល់ផងក៏ជួបគ្រោះថ្នាក់ចរាចរណ៍ជ្រុលទៅបុករថយន្តកុងតឺន័រពីចំហៀងរួចបន្តទៅបុករបងសាលាបណ្តាលឲ្យរងការខូចខាតនិងរបួសស្រាលម្នាក់។
ហេតុការណ៍នេះបានកេីតឡេីងកាលពីវេលាម៉ោង២និង១០នាទីរំលងអធ្រាត្រ ឈានចូលថ្ងៃទី៧ ខែមេសា ឆ្នាំ២០២១ នៅចំណុចស្តុបរតនាស្រីម៉ៅ តាមបណ្តោយផ្លូវលេខ២៨៩ កែងផ្លូវលេខ៥១៦ ស្ថិតក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ។
តាមប្រភពព័ត៌មានពីម្ចាស់រថយន្តយីឌុបបានឲ្យដឹងថា មុនពេលកេីតហេតុរូបគាត់បានបេីករថយន្តយីឌុប ពណ៌ស ពាក់ស្លាកលេខបាត់ដំបង 3A-2786 ធ្វេីដំណេីរតាមបណ្តោយផ្លូវលេខ២៨៩ ក្នុងទិសដៅពីត្បូងទៅជេីង ដែលទេីបនិឹងចេញពីផ្សារនាគមាសបំណងដឹកផ្លែឈេីទៅខេត្តបាត់ដំបង ដោយក្នុងនោះមានមនុស្សរួមដំណេីរសរុប៧នាក់ ខណៈមកដល់ចំណុចកេីតហេតុដែលជាកន្លែងផ្លូវបំបែកជាបួន ភ្លាមនោះក៏មានរថយន្តកុងតឺន័រមួយគ្រឿងមិនចាំស្លាកលេខធ្វេីដំណេីរតាមបណ្តោយផ្លូវលេខ៥១៦ ក្នុងទិសដៅពីលិចទៅកេីតកាត់ពីមុខរថយន្តគាត់ធ្វើឱ្យគាត់ជាន់ហ្វ្រ័ងមិនទាន់ក៏ជ្រុលទៅបុកចំពីចំហៀងនៃរថយន្តកុងតឺន័រពេញទំហឹង ហេីយបានរេចង្កូតមកខាងស្តាំដៃបន្តបុករបងសាលារៀនមួយកន្លែងទៀតរងការខូចខាតយ៉ាងដំណំ។
ក្រោយពេលកេីតហេតុរថយន្តកុងតឺន័របានបន្តដំណេីរទៅមុខបាត់ទៅ បន្សល់ទុកតែរថយន្តយីឌុបនៅកន្លែងកេីតហេតុត្រូវបានសមត្ថកិច្ចមូលដ្ឋានចុះទៅដល់រួចទំនាក់ទំនងទៅជំនាញមកធ្វេីការវាស់វែងយករថយន្តខាងលេីទៅទុកនៅការិយាល័យចរាចរណ៍ផ្លូវគោករាជធានីរង់ចាំដោះស្រាយពេលក្រោយ៕
ដោយ៖ សុខាសែនជ័យ
