សាហាវណាស់! បុរសម្នាក់បានយកកាំបិតកាប់​ជនបរទេស​ម្នាក់​ជាច្រើន​កាំបិត​បណ្ដាល​ឱ្យរងរបួស​ធ្ងន់​

ចែករំលែក៖

ភ្នំពេញ​៖ ពិតជាកាចសាហាវខ្លាំងណាស់ដែលបុរសម្នាក់ជិះ​កង់​មក​កាប់ជនបរទេស​ម្នាក់​ជាច្រើន​កាំបិតបណ្តាលឲ្យ​រងរ​បួស​ធ្ងន់​ឈាម​ហូរស្រោច​ពេញ​​​ខ្លួនដោយ​ពុំទាន់​ដឹង​ពី​មូល​ហេ​តុ ហើយក្រោយធ្វើសកម្មភាពរួច​ជនដៃដល់​បាន​រត់គេចខ្លួន​បាត់ស្រមោល​ទៅ​។​

ហេតុការណ៍នេះបង្កឲ្យមានការ​ភ្ញាក់ផ្អើល​​ឡើង​កាលពី​​ម៉ោង​១០​និង​៣០​នាទី​យប់​ថ្ងៃទី​៧ ខែមេសា ឆ្នាំ​២០២១ ​ស្ថិតនៅតាមបណ្ដោយផ្លូវលេខ១៩កែង​នឹង​ផ្លូវលេខ​១៥៤ ក្នុង​សង្កាត់​ផ្សារកណ្ដាល​ទី​២ ខណ្ឌដូនពេញ រាជធានី​ភ្នំពេញ​។​

​ប្រភពព័ត៌មាន​ពី​ប្រជាពលរដ្ឋ​នៅ​កន្លែងកើតហេតុ​បាន​ឱ្យដឹងថា នៅ​មុនពេល​កើតហេតុ​គេ​ឃើញ បុរស​ជនជាតិ​បរទេស​ម្នាក់​បាន​ដើរ​នៅលើ​ដងផ្លូវលេខ​១៩​ ​ស្រាប់តែ​លេចមុខ​ជនដៃដល់​ម្នាក់​ជិះ​កង់​មក​ក្បែរ​រួច​បានធ្វើ​សកម្មភាព​ទាញ​កាំបិត​កាប់​ទៅលើ​បុរស​ជនជាតិ​បរទេស​ជាច្រើន​កាំបិត​បណ្ដាល​ឲ្យ​ដួល​ហូ​រឈាម​ពេញ​ខ្លួន​ដេកនៅលើ​ថ្នល់​រងរបួស​ធ្ងន់ រួច​ជនដៃដល់​បាន​រត់គេចខ្លួន​ដោយ​សុវត្ថិភាព​។​

​បន្ទាប់ពី​កើតហេតុ​សមត្ថកិច្ច​ចុះ​មកដល់​ចំណុចកើតហេតុ​រួច​ក៏បាន​ទំនាក់ទំនង​ទៅខាង​រថយន្ត​សា​មុយ​ដឹក​ជនរងគ្រោះ​យកទៅ​សង្គ្រោះបន្ទាន់​ភ្លាមៗ​ផងដែរ​៕

...

ដោយ៖  ​ជ្រោយពេជ្រ

ចែករំលែក៖
ពាណិជ្ជកម្ម៖ ads2 ads3 ambel-meas ads5 ads6 scanpeople ads7 fk Print