ខេត្តមណ្ឌលគិរី៖ ព្រោះតែភ្លៀងធ្លាក់មួយមេយ៉ាងធំលាយលំ និងផ្គររន្ទះ បានបាញ់ប្រហារនារីក្រមុំវ័យ១៨ឆ្នាំម្នាក់រងរបួសធ្ងន់ ហេីយបានដឹកបញ្ជូនទៅសង្គ្រោះនៅមណ្ឌលសុខភាពអូរអាម បានពាក់កណ្ដាលផ្លូវបណ្ដាលឲ្យស្លាប់។ ជាមួយគ្នានោះ លោកអធិការរងម្នាក់ ក៏ត្រូវរន្ទះបាញ់រងរបួសផងដែរ នៅស្រុកកែវសីមា។
ហេតុការណ៍គ្រោះធម្មជាតិរន្ទះបាញ់ខាងលេីនេះ បានកើតឡើងនៅវេលាម៉ោង៩និង២០នាទី ថ្ងៃទី១៦ មេសា ២០២១ នៅគីឡូលេខ៣៧ ភូមិត្រពាំងផ្អេរ ឃុំស្រែខ្ទុម ស្រុកកែវសីមា ខេត្តមណ្ឌលគិរី។
បេីតាមរបាយការណ៍របស់សមត្ថកិច្ចមូលដ្ឋាន បានឲ្យដឹងថា មុនពេលកេីតហេតុ មានភ្លៀងមួយមេធំលាយលំនិងរន្ទះទាំងព្រឹក ហើយស្រាប់តែពេលនោះ ក៏មានករណីរន្ទះបាញ់ដែលកើតឡើងនៅគីឡូលេខ៣៧ ភូមិត្រពាំងផ្អេរ ឃុំស្រែខ្ទុម ស្រុកកែវសីមា ខេត្តមណ្ឌលគិរី បណ្តាលឲ្យត្រូវជនរងគ្រោះ ឈ្មោះ គង់ ច្រិច ភេទស្រី អាយុ១៨ឆ្នាំ ជនជាតិខ្មែរ មុខរបរកសិករ រស់នៅភូមិឃុំខាងលើរងរបួសធ្ងន់រហូតដល់ស្លាប់ពេលដឹកបញ្ជូនទៅសង្គ្រោះនៅមន្ទីរបានពាក់កណ្ដាលផ្លូវ។
មន្រ្តីដដែលបន្តថា ក្នុងហេតុការណ៍ដដែលនោះ ក៏បានបង្កឲ្យជនរងគ្រោះម្នាក់ទៀតឈ្មោះ កែវ សាវុធ ហៅមុត ភេទប្រុស អាយុ៥២ មុខរបរ អធិការរងស្រុកកែវសីមា( របួសស្រាល) ដែលកើតឡើងនៅ ចំណុចចរាចរណ៍បិតការឆ្លងខេត្តនាភូមិឆ្នែង ឃុំស្រែខ្ទុម ស្រុកកែវសីមា ខេត្តបណ្ឌលគីរី ។
ក្រោយកេីតហេតុ សពឈ្មោះ គង់ ច្រិច ត្រូវបានបងប្អូនយកទៅធ្វើបុណ្យតាមប្រពៃណី ។ ចំណែកឈ្មោះ កែវ សាវុធ កំពុងព្យាបាលនៅមណ្ឌលសុខភាពអូរអាម ៕ដោយ៖សហការី
រូបភាព៖ លោក កែវ សាវុធ អធិការរងស្រុកកែវសីមា កំពុងព្យាបាលនៅមណ្ឌលសុខភាពអូរអាម
