ខ្សែប្រយុទ្ធ Cristiano Ronaldo បានស៊ុតបាល់បញ្ចូលទីចំនួន១គ្រាប់ក្នុងពេលក្រុមReal Madridឈ្នះRomaដោយលទ្ធផល២-០
នៅក្នុងកម្មវិធី Champions League វគ្គ១៦ក្រុងក្រោយជើងទី២។
នេះគឺជាគ្រាប់ទី៩០ដែលកីឡាករអន្តរជាតិព័រទុយហ្គាល់អាចស៊ុតបាននៅក្នុងកម្មវិធីChampions League
ហើយជាគ្រាប់ទី១៣នៅក្នុងរដូវកាលនេះ។ សរុបគ្រាប់បាល់ដែល Ronaldo ស៊ុតបានឲក្រុមReal Madrid
គ្រប់ការប្រកួតទាំងអស់ក្នុងរដូវកាលថ្មីនេះគឺ៤០គ្រាប់ហើយ។
កាលពីជើងទី១ក្រុមReal Madridឈ្នះRoma២-០នៅក្នុងប្រទេសអ៊ីតាលី ហើយពួកគេបន្តឈ្នះដោយលទ្ធផលដដែរ
នៅក្នុងទឹកដីរបស់ខ្លួនក្នុងប្រទេសអេស្ប៉ាញទៀត។ Cristiano Ronaldo ស៊ុតបាល់បញ្ចូលទីនៅនាទី៦៦
និងកីឡាករ James Rodriguez បន្ថែមមួយគ្រាប់ទៀតនៅនាទី៦៨។
ក្រុមReal Madridកំពុងតែតាមពីក្រោយក្រុមBarcelonaរហូតទៅ១២ពិន្ទុនៅក្នុងការដណ្តើមជើងឯកអេស្ប៉ាញ Primera Liga
ហើយបាត់ឱកាសលេងនៅក្នុងកម្មវិធីអេស្ប៉ាញCupទៀត។ ពានរង្វាន់Champions League គឺជាក្តីសង្ឃឹមតែមួយរបស់ក្រុមReal Madrid
នៅក្នុងរដូវកាលនេះ។