ភ្នំពេញ៖ អ្នកនេសាទប្រទះឃើញសាកសពបុរសម្នាក់ទាំងអាក្រាតអណ្តែតក្បែរគល់ស្ពានជ្រោយចង្វាថ្មីប៉ែកខាងកើត បង្កឲ្យមានការភ្ញាក់ផ្អើលដល់ប្រជាពលរដ្ឋនាំគ្នាមកចោមរោមមើល។ ហេតុការណ៍នេះកើតឡើងកាលពីម៉ោង៧ព្រឹកថ្ងៃទី១១ ខែមីនា ឆ្នាំ២០១៦ នេះ ស្ថិតក្នុងភូមិដើមគរ សង្កាត់-ខណ្ឌជ្រោយចង្វា ។
គេនៅមិនទាន់ស្គាល់អត្តសញ្ញាណសពជនរងគ្រោះនៅឡើយទេ តែបើតាមការពិនិត្យ សពមានអាយុប្រហែលជិត៤០ឆ្នាំ និងមានសំបុរខ្មៅស្រអែម តាមការសន្និដ្ឋានជំហានដំបូងមិនទាន់ដឹងថា ជនរងគ្រោះស្លាប់ដោយសារលង់ទឹក ឬក៏អាចជាករណីឃាតកម្មនោះទេ ដោយរងចាំសមត្ថកិច្ចនគរបាលជំនាញធ្វើកោសល្យវិច្ច័យ និងស្វែងរកសាច់ញាតិ៕ ជ្រោយពេជ្រ
...
