ភ្នំពេញ៖ បុរសម្នាក់ជិះPCX សុីញ៉ូបត់ឆ្លងផ្លូវ ត្រូវបុរស៣នាក់ជិះម៉ូតូនិច ជិះឌុបគ្នាក្នុងល្បឿនលឿន ជ្រុលទៅបុកPCXដែលកំពុងបទឆ្លងផ្លូវចំពីមុខពេញទំហឹងបណ្តាលអោយ ម៉ូតូខ្ទេចផ្នែកខាងមុខទាំងពីរគ្រឿង និងរបួសស្រាល៤នាក់ ដែលគ្រោះថ្នាក់នេះកើតឡើងនៅវេលាម៉ោង៩និង៣០នាទីយប់ ថ្ងៃ១០ ខែមីនា ឆ្នាំ២០១៦ ជិតនិងឃ្លាំងស្តុកស្រាបៀរថៃហ្គ័រ ផ្លូ៣៧១ ភូមិត្នោតជ្រំ៣ សង្កាត់បឹងទំពុន ខណ្ឌមានជ័យ ។
ប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុ គេបានឃើញបុរសម្នាក់អាយុប្រមាណ ៣០ឆ្នាំ បានជិះម៉ូតូម៉ាក PCXពណ៌ស ពាក់ស្លាកលេខ ភ្នំពេញ1FE-9875 ធ្វើដំណើរតាមផ្លូវ ៣១៧ ទិសដៅ កើតទៅលិច លុះមកដល់ចំនុចកើតហេតុ បានស៊ីញ៉ូបត់ឆ្វេង ក៍ស្រាប់តែបុរស៣នាក់អាយុ២០ឆ្នាំ បានជិះម៉ូតូម៉ាកស៊ុយស៊ូគីនិក ពណ៌ស ពាក់ស្លាកលេខ ភ្នំពេញ FM-4074 ធ្វើដំណើរតាមផ្លូវ ៣៧១ទិសដៅ លិចទៅកើត ក្នុងល្បឿនលឿន ក៏ជ្រុលទៅបុកម៉ូតូPCXដែលកំពុងបត់ឆ្លងផ្លូវចំពីមុខពេញទំហឹង បណ្តាលឲ្យម៉ូតូខ្ទេចផ្នែកខាងមុខ ទាំងពីរ ចំណែកមនុស្សរងរបួស រលាត់ដៃជើង ស្រាលទាំង៤នាក់ ។
ភ្លាមៗនោះភាគីទាំងពីរមិនបានចរចាគ្នានោះទេ គិតតែពីប្រកែកតឹងសរសៃកយកត្រូវរៀងៗខ្លួន ទាល់តែសមត្ថកិច្ចមកដល់ធ្វើការវាស់វែងរួចជិតមួយម៉ោងទើបភាគីទាំងពីរចរចា គ្នាម្តងទៀតទើបម៉ូតូដែលជិះឆ្លងផ្លូវព្រមសងទៅម៉ូតូនិចចំនួន៦០ដុល្លារបញ្ចប់រឿងនៅនិងកន្លែងកើតហេតុតែម្ដង ៕ ជីម ភារ៉ា ដង្កោ
