ខេត្តបាត់ដំបង÷ យោងតាមរបាយការណ៍របស់សមត្ថកិច្ចឈរជើងតាមខ្សែបន្ទាត់ព្រំដែនកម្ពុជា-ថៃបានប្រាប់ឲ្យដឹងថា នៅវេលាម៉ោង ៤ទៀបភ្លឺថ្ងៃទី១២ ខែឧសភាឆ្នាំ២១២១នេះ កម្លាំងចម្រុះឈរជើងតាមខ្សែបន្ទាត់ព្រំដែន សហការជាមួយសមត្ថកិច្ចថៃបាននាំខ្លួនពលករខ្មែរប្រុសស្រីដែលនាំគ្នាឆ្លងដែនចូលទៅកាន់ប្រទេសថៃខុសច្បាប់សរុបចំនួន ១៩នាក់
នៅត្រង់ចំណុចភូមិភ្នំតូច ឃុំពេជ្រចិន្តា ស្រុកភ្នំព្រឹក ខេត្តបាត់ដំបងប្រគល់មកឲ្យភាគីកម្ពុជាវិញ។

លោក សុង សុភ័ក្ត្រអភិបាលស្រុកភ្នំព្រឹកបានបញ្ជាក់ឲ្យដឹងថា ពលករខ្មែរដែលឆ្លងដែនខុសច្បាប់ខាងលើនេះមានចំនួន ១៩នាក់ ក្នុងចំណោមនេះក៏មានស្ត្រី ១នាក់ផងដែរ។ អ្នកទាំងអស់គ្នាមកពីខេត្តត្បូឃ្មុំចំនួន ៦នាក់. ខេត្តព្រៃវែង ៧នាក់ និងមកពីខេត្តកំពង់ឆ្នាំងចំនួន ៦នាក់។
ក្រោយការសាកសួរអាជ្ញាធរមានសមត្ថកិច្ចបានប្រគល់ពលករទាំង ១៩នាក់ទៅឲ្យក្រុមគ្រូពេទ្យដើម្បីបញ្ជូនទៅមណ្ឌលចត្តាឡីស័កកម្រិត ១ វិទ្យាល័យពេជ្រចិន្តា ស្រុកភ្នំព្រឹកពិនិត្យសុខភាព យកវត្ថុសំណាក ហើយនិងបន្តស្រាវជ្រាវរកមុខសញ្ញាមេខ្យល់ ដើម្បីចាប់ខ្លួនមកអនុវត្តតាមនីតិវិធីជាបន្តទៀត៕

ដោយ÷ ស សារេត