ភ្នំពេញ៖ រថយន្តឡិចស៊ីសRX330មួយគ្រឿងបានបើកបុកឡំប្រឺតាពីក្រោយពេញទំហឹងបណ្តាលឱ្យក្រឡាប់ផ្ងារជេីងច្រងាងៗ តែសំណាងល្អដែរដែលមិនមានរបួសដល់មនុស្សអ្នកជិះ។
ហេតុការណ៍នេះបានកេីតឡេីងកាលពីវេលាម៉ោង៤រសៀលថ្ងៃទី២៤ ខែឧសភា ឆ្នាំ២០២១ នៅចំណុចភ្លើងស្តុបចូលព្រលានយន្តហោះពោធិ៍ចិនតុងថ្មី តាមបណ្តោយមហាវិថីសហព័ន្ធរុស្ស៊ី ក្នុងសង្កាត់កាកាប២ ខណ្ឌពោធិ៍សែនជ័យ។
តាមប្រភពព័ត៌មានពីកន្លែងកេីតហេតុបានឱ្យដឹងថា មុនពេលកេីតហេតុគេបានឃេីញបុរសម្នាក់បេីកឡំប្រឺតា ពាក់ស្លាកលេខស្វាយរៀង1N-5607 តាមបណ្តោយមហាវិថីសហព័ន្ធរុស្ស៊ី ក្នុងទិសដៅពីលិចទៅកេីត ខណៈមកដល់ចំណុចកេីតហេតុស្រាប់តែមានរថយន្តឡិចស៊ីសRX330 ពណ៌ស ពាក់ស្លាកលេខភ្នំពេញ2BJ-5049 បើកមកពីក្រោយបុកពេញទំហឹងបណ្តាលឱ្យឡំប្រឺតាក្រឡាប់ផ្ងារជេីងរងការខូចខាតបន្តិចបន្តួច តែសំណាងល្អមិនមានអ្នករបួស ចំណែករថយន្តរងការខូចខាតធ្លាក់កាងខាងមុខ។
ក្រោយកេីតហេតុភាគីខាងរថយន្តបានព្រមចេញថ្លៃជួសជុលទៅលេីភាគីឡំប្រឺតាដេីម្បីបញ្ចប់រឿងនៅកន្លែងកេីតហេតុ៕
ដោយ៖ សុខាសែនជ័យ
