ខេត្តតាកែវ៖ ស្នេហាតាមទូរស័ព្ទជាង២ឆ្នាំ ខាងស្រីចង់ជួបសាសងគ្នា តែពេលជួប ខាងប្រុសទ្រាំមិនបាន ចាប់រំលោភ ត្រូវនាងប្ដឹងសមត្ថកិច្ចទារជំងឺចិត្ត៥.០០០ដុល្លារ ខាងប្រុសថា គ្មានទេ ៥.០០០ដុល្លារ មានតែខ្លួនអូនយកបង ឬអត់ បើមិនយកទេ បងសុខចិត្តជាប់គុក ។
ហេតុការណ៍ខាងលើបានកើតឡើងកាលពីវេលាម៉ោង១៩និង២០នាទី ថ្ងៃទី១២ ខែមីនា ឆ្នាំ២០១៦ ស្ថិតនៅភូមិត្រពាំងត្រាវ ឃុំស្លា ស្រុកសំរោង ខេត្តតាកែវ ។ ជនសង្ស័យមានឈ្មោះ សុខ សម្បត្តិ ភេទប្រុស អាយុ១៩ឆ្នាំ រស់នៅភូមិ ឃុំខាងលើ ។ រីឯជនរងគ្រោះឈ្មោះ ឈ ប រ ភេទស្រី អាយុ១៧ឆ្នាំ ។
បើយោងតាមចម្លើយនារីរងគ្រោះបានអោយដឹងថា មុនពេលកើតហេតុ ជនសង្ស័យបានទូរស័ព្ទ មក នាងសុំជួបនៅចំណុចខាងលើ ហើយនាងក៏ទៅជួបតាមការណាត់ ពេលទៅជួប ក៏បាននិយាយសាសងគ្នាជាធម្មតា លុះយូរទៅ ស្រាប់តែជនសង្ស័យបានយកដៃមកស្ទាប អង្អែលនាងអស់មួយសន្ទុះ តែនាងមិនមាត់ក អីទេ ។
ប្រភពដដែលបានបន្ដទៀតថា ពេលដែលនាង នៅស្ងៀម ស្រាប់តែជនសង្ស័យបម្រុងដោះខោអាវ នាងថែមទៀត ពេលនោះនាងថា សភាពការណ៍ធ្ងន់ពេកហើយ ទើបនាង រត់ចេញហើយ ប្រាប់ឪពុក ម្ដាយដើម្បីប្ដឹងតែម្ដង។
ជនសង្ស័យបន្ដទៀតថា ខ្លួនមិនមានគំនិតរំលោភទេ តែគេគ្រាន់តែបង្កើនភាពស្និទ្ធស្នាលបន្ថែមការស្រលាញ់តែប៉ុណ្ណោះ ព្រោះខ្លាចខាងស្រីក្បត់ចិត្ត ។
ប្រភពបន្តថា រូបគេពិតជាបានយកដៃស្ទាបអង្អែល ពិតមែន តែខ្លួនបានសុំការអនុញ្ញាតពីនាងរួចហើយហើយនាងក៏ព្រមព្រៀងដែរ ។
ជនសង្ស័យបន្ដថា ការដែលនាងឈានទៅដល់ការប្ដឹង ព្រោះវាចង្រៃដោយសារបងប្អូនខាងនាង ដើររក ហើយក៏ឃើញរូបគេ និងនាងកំពុងផ្អែមល្ហែមនឹងគ្នា ក៏ស្រែកឆោឡោឡើងតែម្ដង។
ជនសង្ស័យរូបនេះបញ្ជាក់ថា ចំពោះសំណងជំងឺចិត្ត៥.០០០ដុល្លារ រូបគេគ្មានទេ មានតែខ្លួនប្រគល់ជូនតែប៉ុណ្ណោះ ហើយ បើនាងមិនព្រមទេ រូបគេសុខចិត្តជាប់គុក ដោយសារតែក្តីស្នេហានេះទៅចុះ ៕ ជីសូរកា
