ខេត្តកំពង់ចាម : កាលពីវេលាម៉ោង ១៦ និង ៣០ នាទីនៅថ្ងៃទី៨ ខែមិថុនា ឆ្នាំ​២០២១កម្លាំងនគរបាលខេត្តកំពង់ចាមបានសហការជាមួយកម្លាំងនៃអធិការរដ្ឋានស្រុកបាធាយ និងកម្លាំងអធិការដ្ថានស្រុកជើងព្រៃបានចុះបង្ក្រាបនិងឃាត់ខ្លួនជនសង្ស័យ ប្រុសស្រី៦នាក់ ​នៅចំណុចរោងជួសជុលរថយន្ត ស្ថិតក្នុងភូមិជាលា ឃុំជាលា ស្រុកបាធាយ ខេត្តកំពង់ចាម​ ពាក់ព័ន្ធទៅនឹងករណីគ្រឿងញៀន។
សមត្ថកិច្ចបានឲ្យដឹងថាជនសង្ស័យទាំង៦ នាក់ខាងលើមាន
១.ឈ្មោះ ផែន បញ្ញា ភេទប្រុស អាយុ ១៧ឆ្នាំ ជាតិខ្មែរ មុខរបរ ជាងជួសជុលរថយន្ត រស់នៅភូមិតាំងក្រាំង ឃុំជាលា ស្រុកបាធាយ ខេត្តកំពង់ចាម ។
២.ឈ្មោះ ខេង ណារ័ត្ន ភេទប្រុស អាយុ ១៩ឆ្នាំ ជាតិខ្មែរ មុខរបរ សិស្ស រស់នៅភូមិភ្នំដិល ឃុំជាលា ស្រុកបាធាយ ខេត្តកំពង់ចាម។
៣.ឈ្មោះ លឹម ចំណាន ភេទប្រុស អាយុ ១៦ឆ្នាំ ជាតិខ្មែរ មុខរបរ សិស្ស រស់នៅភូមិជើងឆ្នុក ឃុំតាំងក្រាំង ស្រុកបាធាយ ខេត្តកំពង់ចាម។
៤.ឈ្មោះ ស៊ុន ណាវី ភេទប្រុស អាយុ ២៤ឆ្នាំ ជាតិខ្មែរ មុខរបរ កសិករ រស់នៅភូមិតាបែក ឃុំសំបូរ ស្រុកបាធាយ ខេត្តកំពង់ចាម។
៥.ឈ្មោះ សយ សុគន្ធា ភេទស្រី អាយុ ៣៥ឆ្នាំ ជាតិខ្មែរ មុខរបរកសិករ រស់នៅភូមិតាបែក ឃុំសំបូរ ស្រុកបាធាយ ខេត្តកំពង់ចាម។
៦.ឈ្មោះ បឿន វ៉ាន់នី ភេទស្រី អាយុ ២៦ឆ្នាំ ជាតិខ្មែរ មុខរបរកសិករ រស់នៅភូមិតាបែក ឃុំសំបូរ ស្រុកបាធាយ ខេត្តកំពង់ចាម។
ក្រោយពីធ្វើការឃាត់ខ្លួនសមត្ថកិច្ចបានដកហូតវត្ថុតាងរួមមាន÷
ម្សៅក្រាមពណ៌សសង្ស័យជាថ្នាំញៀនចំនួន ១១កញ្ចប់(ធំ ០៤កញ្ចប់) ជញ្ជីងអេឡិចត្រូនិចចំនួន ០១គ្រឿង ម៉ូតូចំនួន០១គ្រឿង ទូរស័ព្ទដៃចំនួន ០៧គ្រឿង និង ឧបករណ៍សម្រាប់សេបគ្រឿងញៀនចំនួនមួយសម្រាប់ ។
បច្ចុប្បន្នជនសង្ស័យរួមនិងវត្ថុតាងត្រូវបានកម្លាំងជំនាញនាំមកការិយាល័យប្រឆាំងគ្រឿងញៀនដើម្បីកសាងសំណុំរឿងបញ្ជូនទៅតុលាការចាត់វិធានការតាមនិតិវិធី៕ដោយ ស សម