ខេត្តកំពង់ធំ ៖ ថវិការបស់រាជរដ្ឋាភិបាលដែលផ្តល់តាមរយៈក្រសួងការពារជាតិ សម្រាប់ឧបត្ថម្ភជូនដល់ក្រុមការងារដឹកនាំ និងក្រុមគ្រូពេទ្យចំនួន ៥៧នាក់
ក្រុមគ្រូពេទ្យ ដែលបានអនុវត្តភារកិច្ចចាក់វ៉ាក់សាំងការពារជំងឺកូវីដ-១៩ ជូនយោធិនភូមិភាគ៤ត្រូវបានផ្តល់កាលពីរសៀលថ្ងៃទី ១០ ខែមិថុនាឆ្នាំ ២០២១នេះ។
ពិធីនេះប្រព្រឹត្តទៅក្រោមអធិបតីលោកឧត្តមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ និងសមាជិកក្រុមការងារចាក់វ៉ាក់សាំងការពារជំងឺកូវីដ-១៩ របស់យោធភូមិភាគទី៤ ។ថវិការនេះត្រូវឧបត្ថម្ភជូនដល់ក្រុមការងារដឹកនាំ និងក្រុមគ្រូពេទ្យចំនួន ៥៧នាក់
ក្រុមគ្រូពេទ្យ បានអនុវត្តភារកិច្ចចាក់វ៉ាក់សាំងការពារជំងឺកូវីដ-១៩ ជូនយោធិន និងគ្រួសារយោធិន ចំណុះបញ្ជាការដ្ឋានតំបន់ប្រតិបត្តិការសឹករងកំពង់ធំ និងស្នាក់ការការិយាល័យទី២កងទ័ពជើងគោកប្រចាំខេត្តកំពង់ធំ ព្រមទាំងកង រាជអាវុធហត្ថខេត្តនិងក្រុមគ្រួសារ ចំនួន៤លើកកន្លងមក ដែលមានបរិមាណជិត២ពាន់នាក់។
ក្នុងឱកាសនោះលោកឧត្តមសេនីយ៍ទោសោម ស៊ុន បាបានថ្លែងអំណរគុណយ៉ាងជ្រាលជ្រៅជាទីបំផុតចំពោះសម្ដេចអគ្គមហាសេនាបតីតេជោហ៊ុនសែន និងសម្ដេចកិតិ្តព្រឹទ្ធបណ្ឌិតប៊ុនរ៉ានីហ៊ុនសែន ព្រមទាំងសម្ដេចពិជ័យសេនាទៀបាញ់ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ ដែលបានយកចិត្តទុកដាក់ផ្គត់ផ្គង់ វ៉ាក់សាំងចាក់ជូនកងទ័ពនិងគ្រួសារកងទ័ព បានគ្រប់ៗគ្នាកន្លងមកពិសេសថ្ងៃនេះបានឧបត្ថម្ភនូវថវិកាលើកទឹកចិត្តដល់ក្រុមការងារ និងក្រុមគ្រូពេទ្យដែលបានបំពេញភារកិច្ចមិនខ្លាចនឿយហត់។
ជាមួយនេះលោកឧត្តមសេនីយ៍ទោសោម ស៊ុន ក៏បានកោតសរសើរ នឹងថ្លែងអំណរគុណដល់ក្រុមការងារ និងក្រុមគ្រូពេទ្យទាំងអស់ចំណុះបញ្ជាការដ្ឋានតំបន់ប្រតិបត្តិការសឹករងកំពង់ធំ ដែលបានយកអស់កម្លាំងកាយចិត្តក្នុងការចាក់វ៉ាក់សាំងការពារជំងឺកូវីដ-១៩ ប្រកបដោយជោគជ័យនិងមានសុវត្ថិភាពល្អជូនយោធិននិងក្រុមគ្រួសារ៕
ដោយ÷ប្រាថ្នា
