ភ្នំពេញ ៖ ជនសង្ស័យ២នាក់រួមនិងថ្នាំញៀនចំនួន០១កញ្ចប់តូចត្រូវបានកំលាំងនគរបាលខណ្ឌសែនសុខធ្វើការឃាត់ខ្លួនបន្ទាប់ពីឆែកឆេឃើញនៅជាប់និងខ្លួន។
ការឃាត់ខ្លួនជនសង្ស័យទាំង២នាក់នេះបានធ្វើឡើងកាលពីវេលាម៉ោង២០និង៣០នាទី យប់ ស្ថិតនៅចំណុចក្រុម៧ផ្លូវ១០០៣ភូមិបាយ៉ាបសង្កាត់ភ្នំពេញថ្មី ខណ្ឌសែនសុខ។ ជនសង្ស័យដែលប្រើប្រាស់សារធាតុញៀននេះទី១ ឈ្មោះ ភោគ វិសាល ភេទប្រុសអាយុ២០ឆ្នាំ មុខរបរជាងផ្សារដែក ស្នាក់នៅផ្ទះជួលលេខ១ផ្លូវ២៣០ភូមិសែនសុខ៧សង្កាត់ឃ្មួញខណ្ឌសែនសុខ និងទី២ ឈ្មោះ ខេង វណ្ណះ ភេទប្រុសអាយុ២១ឆ្នាំមុខរបរជាងផ្សារដែក ស្នាក់នៅផ្ទះជួលលេខ១ផ្លូវ២៣០ភូមិ ខ៧សង្កាត់ឃ្មួញសែនសុ។
ប្រភពពីសមត្ថកិច្ចបានអោយដឹងថាមុននិងឃាត់ខ្លួនគឺកំលាំងសមត្ថកិច្ចបានធ្វើការល្បាតនៅក្នុងមូលដ្ឋានដើម្បីការពារសុខសុវត្ថិភាពជួនប្រជាពលរដ្ឋលុះមកដល់ចំណុចខាងលើក៍ឃើញជនសង្ស័យទាំង២នាក់បានជិះម៉ូតូ១គ្រឿង ម៉ាកToday ពណ៍ក្រហមគ្មានស្លាកលេខគួអោយសង្ស័យបានឃាត់អោយឈប់ហើយធ្វើការត្រួតពិនិត្យរកឃើញ​ក្រាមពណ៍ថ្លាសចំនួន១កញ្ចប់ថង់តូចក៍ធ្វើការឃាត់ខ្លួនតែម្តង។
ចំណែកជនសង្ស័ទាំង២នាក់វិញបានឆ្លើយសារភាពថាពួកគេពិតជាបានរក្សាទុកនៅថ្នាំញៀននេោះពិតប្រាកដមែនដោយក្នុងបំណងយកទៅប្រើប្រាស់ស្រាប់តែជួបនិងសមត្ថកិច្ចឃាត់ខ្លួនតែម្តងទៅ។
បច្ចុប្បន្នជនសង្ស័យ និងវត្ថុតាងបាននាំមកអធិការដ្ឋានខណ្ឌសែនសុខដើម្បីកសាងនីតិវិធីបន្ត៕ តុង សីហា