ភ្នំពេញ ៖ ផ្លូវក្រោមដី នៅក្រោមស្ពានអាកាសតិចណូរ ប្រវែងជាង២០០ម៉ែត្រ ត្រូវបានសាងសង់រួចរាល់ ១០០ភាគរយហើយនោះ អាជ្ញាធររាជធានីភ្នំពេញ គ្រោងសម្ពោធដាក់ឲ្យប្រើប្រាស់បណ្ដោះអាសន្ន ដើម្បី ជួយសម្រួលចរាចរណ៍ ពីផ្លូវត្រង់រវង្វង់មូលផ្សារទួលគោកឆ្ពោះមកផ្លូវសហពន្ធ័រុស្សី នៅថ្ងៃទី២៥ ខែកក្ដដា ឆ្នំា២០១៥ នេះបើតាមការបញ្ជាក់ឲ្យដឹងពី លោកប៉ា សុជាតិវង្ស អភិបាលរាជធានីភ្នំពេញក្នុងឱកាសចុះពិនិត្យ ការដ្ឋាន ស្ពានអាកាស និងផ្លូវក្រោមដីតិចណូរ កាលពីព្រឹកថ្ងៃទី១៨ ខែកក្ដដា ឆ្នំា២០១៥ ។ លោកប៉ា សុជាតិវង្ស បានបញ្ជាក់ថា បន្ទាប់ពីអាជ្ញាធររាជធានីភ្នំពេញគិតថា ការបើកឲ្យដំណើរការចរាចរណ៍បណ្ដោះអាសន្ន ផ្លូវក្រោមដីតិចណូរនេះវា និងអាចជួយរំដោះចរាចណ៍ បានមួយភាគធំ នៃផ្លូវ ត្រង់រវង្វង់មូល ផ្សារទួលគោក មកផ្លូវសហពន្ធ័រុស្សី ដែលបច្ចុប្បន្នកំពុងមានការកកស្ទះចរាចណ៍ យ៉ាងខ្លាំងនោះ។ លោកបន្ដថា៖ ផ្លូវក្រោមដី ដែលមានប្រវែងជាង២០០ម៉ែត្រនេះត្រូវបានសាងសង់រួច១០០ភា គរយនោះ និងអាចដាក់ឲ្យដំណើរការបាន បណ្ដោះអាសន្នហើយ វាមិនប៉ះពាល់ នៃដំណើរការ ក្នុងការសាងសង់ ស្ពានអាកាស នោះទេ ។ រហូតមកដល់ពេលនេះតួស្ពាន យើងសម្រេចធ្វើការសាងសង់បាន៦០%ហើយ និងត្រូវធ្វើអោយរួចរាល់ជាស្ថាពរក្នុងកំឡុងចុងខែវិច្ឆិកានេះ ។ លោកបន្តថា ស្ពានអាកាសតិចណូរ គឺជាស្ពានអាកាសតិចណូរ គឺជាស្ពានទី៤ហើយ នៅក្នុងរាជធានី ភ្នំពេញ បន្ទាប់ពីស្ពានអាកាសក្បាលថ្នល់ ស្ពានអាកាស៧មករានិង ស្ពានអាកាសស្ទឺងមានជ័យ។ត្រូវបានសាងសង់ រួច ដាក់ឲ្យដំណើរការចរាចណ៍ នាសព្វថ្ងៃនេះ ។ លោកបន្ដថា៖ ស្ពានអាកាសនិងផ្លូវក្រោមដី តិចណូមានតម្លៃប្រមាណ១៤ លានដុល្លារអាមេរិក ជាថវិការបស់រាជរដ្ឋាភិបាល បានមកពីការជួលដី កោះ ពេជ្រ និងដីជ្រោយចង្វារ រយៈពេល៩០ឆ្នំា ទៅក្រុមហ៊ុន អាណិចជនខ្មែរOCIC ត្រូវបានបើកការដ្ឋានសាងសង់ នៅថ្ងៃទី៩ ខែកញ្ញា ឆ្នាំ២០១៤ដែល គ្រោង នឹងបញ្ចប់ការសាងសង់នៅថ្ងៃទី០៩ មករា ២០១៦ រត់តាមបណ្តោយមហាវិថីសហព័ន្ឋរុស្ស៊ី ឆ្លងកាត់ខាងលើប្រសព្វមហាវិថី គីម អ៊ីលស៊ុង និង មហាវិថី ម៉ៅ សេទុង មានបណ្តោយ៣៨២ម៉ែត្រ , ទទឹង ១៥,៨ម៉ែត្រ ផ្លូវរត់ក្រោមដីមានប្រវែង ៣៥៦ម៉ែត្រ និង ទទឹងពី៦ទៅ៨ម៉ែត្រ ៕ សំរិត
