ភ្នំពេញ ៖ បុរសម្នាក់ជាមន្ត្រីនគរបាលខណ្ឌចំការមន បានជិះម៉ូតូចេញពីធ្វេីការត្រឡប់ទៅផ្ទះក៏ជួបគ្រោះថ្នាក់ចរាចរណ៍តាមផ្លូវបង្កដោយម៉ូតូបុកនិងម៉ូតូបណ្ដាលឲ្យរបួសពីរនាក់ ។
ហេតុការណ៍នេះបានកេីតឡេីងកាលពីវេលាម៉ោង៨ និងនិង៥០នាទីយប់ថ្ងៃទី២០ ខែមិថុនា ឆ្នាំ២០២១ នៅតាមបណ្ដោយផ្លូវ៤៣២ កែងផ្លូវ១៦៧ ក្នុងសង្កាត់ទួលទំពូង២ ខណ្ឌចំការមន រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា ដំបូងគេឃេីញបុរសម្នាក់ជាមន្ត្រីនគរបាលខណ្ឌចំការមន តែមិនពាក់ឯកសណ្ឋាននគរបាល បានជិះម៉ូតូមួយគ្រឿងម៉ាក FZ ពណ៌ក្រហម ពាក់ស្លាកលេខភ្នំពេញ 1FG-8761 ធ្វេីដំណេីរតាមបណ្ដោយផ្លូវ៤៣២ ទិសដៅពីកេីតទៅលិចក្នុងល្បឿនល្មម ខណៈមកដល់ចំណុចកេីតហេតុក៏មានយុវជនម្នាក់ជិះម៉ូតូមួយគ្រឿងម៉ាក WAVE ពណ៌ខ្មៅ ពាក់ស្លាកលេខ កំពង់ចាម 1W-2023 ធ្វេីដំណេីរតាមបណ្ដោយផ្លូវ១៦៧ ទិសដៅពីជេីងមកត្បូងក្នុងល្បឿនលឿន និងមិនប្រយ័ត្នបានជ្រុលទៅបុកម៉ូតូមន្ត្រីនគរបាលខាងលេីបណ្ដាលឲ្យដួលទាំងពីរនាក់រងរបួសរលាត់ខ្លួនប្រាណ តែមិនធ្ងន់ធ្ងរ ។
ក្រោយកេីតហេតុ ភាគីខាងម៉ូតូWAVE ជិះដោយយុវជនម្នាក់បានធ្វេីការសុំទោសទៅលេីភាគីខាងម៉ូតូFZ ដែលជាមន្ត្រីនគរបាលខណ្ឌចំការមន និងជូនថវិកាបន្តិចបន្តួចដេីម្បីឲ្យសមត្ថកិច្ចជាជនរងគ្រោះយកទៅលាងរបួសខ្លួនឯង ដេីម្បីបញ្ចប់រឿង ៕
ដោយ ៖ ភារ៉ា ដង្កោ
