ខេត្តឧត្តមានជ័យ: លំនៅដ្ឋានរបស់ជនពិការសង់អំពីឈើប្រក់ស្បូវទំហំ៧គុណនិង៨ម៉ែត ត្រូវបានអគ្គីភ័យលេបត្របាក់គ្មានសល់កាលពីថ្ងៃ១៦ខែមិនាឆ្នាំ២០១៦ ស្ថិតនៅភូមិព្រះចំបក់ ឃុំផ្អាវ ស្រុកត្រពាំងប្រាសាទ ខេត្តឧត្តមានជ័យ។ ក្នុងនោះបានឆេះអស់ទ្រព្យដែលមាននៅក្នុងផ្ទះគ្មានសល់ដូចជាស្រូវអង្ករ សំភារះប្រើប្រាស់និងប្រាក់ចំនួន២លានរៀល។ ម្ចាស់ផ្ទះឈ្មោះគង់សុវណ្ណរិទ្ធ ភេទប្រុសអាយុ៤៩ឆ្នាំ ជាជនពិការជើងឆ្វេងប្រពន្ធឈ្មោះជា មុំ អាយុ៣៤ឆ្នាំមានកូនប្រាំនាក់ រស់នៅក្នុងបន្ទុក។
បើតាមការអោយដឹងពីអ្នកជិតខាងដែលនៅក្នុងកន្លែងកើតហេតុកាណ៍បានអោយដឹងថាមូលហេតុដែលអគ្គីភ័យបានឆាបឆេះលំនៅដ្ឋានខាងលើគឺបណ្ដាលមកពីការឆាបឆេះភ្លើងព្រៃនិងមានការរាលដាលរហូតមកដល់ជិតផ្ទះត្រូវបានខ្យល់បក់បោកផ្កាភ្លើងមកលើដំបូលផ្ទះក៍បានបង្ករអណ្ដាតភ្លើងឆេះឡើងយ៉ាងសន្ធោសន្ធៅដោយអ្នកជិតខាងជួយពន្លត់មិនទាន់ពេលទើបបណ្ដាលអោយមានការឆាបឆេះគ្មានសល់។
