ភ្នំពេញ ៖ អាជីវករផ្សារបឹងកេងកង និងប្រជាពលរដ្ឋនៅជុំវិញផ្សារ បឹងកេងកងចំនួនជិត២៧០នាក់ហើយ ត្រូវបានពិនិត្យឃើញថា មានវិជ្ជមានកូវីដ-១៩មកដល់រសៀលថ្ងៃទី២៩ ខែមិថុនានេះ ។ ករណីនេះអាជ្ញាធររាជធានីភ្នំពេញ បាននិងកំពុងយកចិត្តទុកដាក់ណាស់ ដើម្បីបង្ការនិងទប់ស្កាត់ការរីករាលដាល។
លោកស្រីវេជ្ជបណ្ឌិត ឱ វណ្ណឌីន៖ បានថ្លែងថា, “ជំងឺកូវីដ១៩នៅកម្ពុជាបច្ចុប្បន្ន ឈានចូលដល់បន្ទាត់ក្រហម នៃការឆ្លងរីករាលដាលក្នុងសហគមន៍”។
ដោយឡែកបើតាមការបញ្ជាក់របស់ លោក ឃួ ង ស្រេង អភិបាលរាជធានីភ្នំពេញ នៅក្នុងកិច្ចប្រជុំជាមួយអាជ្ញាធរខណ្ឌទាំង១៤ នាល្ងាចថ្ងៃទី២៩ ខែមិថុនានេះ នៅសាលារាជធានីភ្នំពេញ បានលើកឡើងថា, «គិតមកដល់រសៀលថ្ងៃទី២៩ មិថុនានេះ បងប្អូនអាជីវករនៅផ្សារបឹងកេងកងចំនួន ២៦៧នាក់ហើយ ដែលក្រុមគ្រូពេទ្យបញ្ជាក់ថា ពួកគាត់មានវិជ្ជមានកូវីដ-១៩»។
លោក ឃួង ស្រេង ក្រើនរំលឹកទៀតថា ចំពោះប្រធានផ្សារទាំងអស់នៅក្នុងរាជធានីភ្នំពេញ អភិបាលខណ្ឌទាំងអស់ត្រូវពង្រឹង នៃការទប់ស្កាត់កូវីដ-១៩នៅតាមទីផ្សារនេះ ឲ្យបានខ្លាំងជាមុនទ្វេដង ធ្វើយ៉ាងណាកុំឲ្យផ្សារ វិលទៅរកការបិទដូចមុនម្តងទៀត។
សូមរំឮកថា ,អង្គភាពអនុគណៈកម្មការស្រាវជ្រាវជំងឺកូវីដ19 បានបញ្ជាក់ដែរថា,
📣 សូមអំពាវនាវដល់ ប្រជាពលរដ្ឋ ដែលបានទៅ ធ្វើក្រចកដៃ ក្រចកជើង ឬ មានទំនាក់ទំនងជាមួយជាងធ្វើក្រចក នៅ
តូប ឈ្មោះ ណៃ ណែល (Nice Nail) និងតូបលេខ ៦៦២ ក្នុង ផ្សារបឹងកេងកង ស្ថិតនៅក្នុង សង្កាត់បឹងកេងកងទី១ ខណ្ឌបឹងកេងកង រាជធានីភ្នំពេញ ចាប់ពីថ្ងៃទី ១៧ ដល់ថ្ងៃទី ២៤ ខែមិថុនា ឆ្នាំ២០២១។
🔥 មូលហេតុ៖ មានអ្នកជំងឺ កូវីដ១៩ (COVID-19) គឺជាអ្នកធ្វើក្រចក នៅទីតាំងខាងលើនេះ។
ដើម្បីសុវត្ថិភាព សូមដាក់ខ្លួន ដាច់ដោយឡែក និងយកចិត្តទុកដាក់ តាមដានសុខភាពរបស់ខ្លួនរយៈពេល ១៤ ថ្ងៃ ចាប់ពីថ្ងៃដែលអ្នកបានប៉ះពាល់ ឬបានទៅទីកន្លែងនេះ។
តែប្រសិនបើ មានរោគសញ្ញាដូចជា៖ គ្រុនក្ដៅ, ក្អក, កណ្ដាស់, ឈឺបំពង់ក ឬដកដង្ហើមខ្លីៗ ឬ សង្ស័យ សូមប្រញាប់ទៅធ្វើតេស្ដ។
🙏 សូមពាក់ម៉ាស់ រក្សារគម្លាត ឧស្សាហ៍លាងដៃ គ្រប់ទីកន្លែង គ្រប់ពេលវេលា ដើម្បីសុវត្ថិភាព!! ៕
ដោយ, សិលា
