ខេត្តស្វាយរៀង៖ ជនសង្ស័យ២នាក់ត្រូវបានសមត្ថកិច្ចអាវុធហត្ថខេត្តសហការជាមួយអាវុធហត្ថស្រុកពាមរកឃាត់ខ្លួនពាក់ព័ន្ធករណីចែកចាយគ្រឿងញៀន កាលពីវេលាម់ោង៨ និង១៤នាទីយប់ថ្ងៃទី១៧ ខែមីនា ឆ្នាំ២០១៦ នៅចំណុចផ្ទះហេងហេង (អិុចឌូក) បន្ទប់លេខ២០៣ ស្ថិតភូមិ៤ ឃំុព្រែកខ្សាយ(ខ) ស្រុកពាមរក៍ ខេត្តព្រៃវែង។

សមត្ថកិច្ចអាវុធហត្ថខេត្តព្រៃវែងបានឲ្យដឹងថា ជនសង្ស័យប្រុសស្រីមានឈ្មោះមុត កេនចំរើន  អាយុ៥៣ឆ្នាំ រស់នៅភូមិរការកោង ឃំុមហាលាភ ស្រុកកោះសូទិន ខេត្តកំពង់ចាម និងឈ្មោះកង លីណា ភេទស្រី អាយុ២៧ឆ្នាំ រស់នៅភូមិលេខ១ សង្កាត់វាលវង់ ខណ្ឌ៧មករា រាជធានីភ្នំពេញ។

សមត្ថកិច្ចអាវុធហត្ថខេត្តបានបន្តទៀតថា ក្រោយពីឃាត់ខ្លួនសមត្ថកិច្ចក៏បានដកហូតវត្ថុតាងរួមមាន ម្សៅក្រាមពណ៌ស ចំនួន៦កញ្ចប់ ស្មើ៣២,៨០ក្រោម, ទូរស័ព្ទ០៣គ្រឿង, លិខិតឆ្លងដែន០១ និងអត្តសញ្ញាណប័ណ្ណសំគាល់ខ្លួន០២សន្លឹក។

បន្ទាប់ពីធ្វើការសាកសួររួចសមត្ថកិច្ចអាវុធហត្ថខេត្តព្រៃវែងបានកសាងសំណុំរឿងបញ្ជូនខ្លួនជនសង្ស័យទាំង២នាកទៅតុលាការខេត្ត ដើម្បីចាត់ការបន្តតាមច្បាប់៕

ដោយ៖ យឹម សុថាន