ភ្នំពេញ ៖ បុរសម្នាក់ បានបើករថយន្ដជ្រុលទោបុកក្បាលនាគពុះចែកទ្រូងផ្លូវបណ្តាលឲ្យរងការខូចខាតមួយកង់ ចំណែករថយន្តខ្ទេចមួយកំណាត់មុខ។
ហេតុការណ៍នេះបានកើតឡើងនៅម៉ោង ៤ទៀបភ្លឺ ថ្ងៃទី៨ ខែកក្កដា ឆ្នាំ២០២១ នៅតាមបណ្តោយផ្លូវសហព័ន្ធរុស្ស៊ី ក្នុងសង្កាត់ស្រះចក ខណ្ឌដូនពេញ រាជធានីភ្នំពេញ។
ប្រភពព័ត៌មានពីប្រជាពលរដ្ឋដែលនៅកន្លែងកើតហេតុបានឲ្យដឹងថា មុនពេលកើតហេតុ គេបានឃើញបុរសម្នាក់បើករថយន្តម៉ាកKIA ពណ៌ខ្មៅ ពាក់ស្លាកលេខ ភ្នំពេញ 2AA-9349 តាមបណ្តោយផ្លូវសហព័ន្ធរុស្ស៊ី ខណះមកដល់ចំណុចកើតហេតុបានរេចង្កូតទៅបុកនឹងរបាំងក្បាលនាគពុះចែកទ្រូងផ្លូវ បណ្ដាលឲ្យរងការខូចខាតមួយកង់ ចំណែករថយន្តបើកទៅមុខលែងរួច ដោយសារគៀបជាប់ជាមួយនឹងទ្រូងផ្លូវ ក្រោយពេលកើតហេតុអ្នកបើកបរទុករថយន្តចោលគេចបាត់ ។
បន្ទាប់ពីកើតហេតុ សមត្ថកិច្ចជំនាញចរាចរណ៍ផ្លូវគោករបស់អធិការដ្ឋាននគរបាលខណ្ឌដូនពេញ បានចុះទំនាក់ទំនងទៅសមត្ថកិច្ចជំនាញចរាចរឲ្យមកស្ទូចរថយន្តយកទៅកាន់ការិយាល័យចរាចរផ្លូវគោករាជធានីភ្នំពេញ រង់ចាំម្ចាស់ចូលមកដោះស្រាយគ្នានៅពេលក្រោយ ៕

ដោយ៖  ជ្រោយពេជ្រ