ខេត្តពោសាត់៖​ កម្លាំងអាវុធហតខេត្ត្ថ​ ក្រុងសហការគ្នាដើរល្បាតពេលយប់ប្រទះឃើញអ្នកលេងស្នាប់ដៃដែកម្នាក់ពេលយកមកសួរនាំ និងពិនិត្យ​ទើបឃើញមានសារធាតុញៀននៅក្នុងខ្លួន។​

ហេតុការណ៍នេះបានកើតឡើងកាលពីយប់ថ្ងៃទី១៨​ ខែមីនា​ ឆ្នាំ២០១៦​ នៅចំណុចភូមិក្បាលហុង​ សង្កាត់ផ្ទះព្រៃ​ ក្រុង​ ខេត្តពោធិ៍សាត់។

លោក​អនុសេនីយ៍ឯក​ សំ​ ថា​ មេបញ្ជាការមូលដ្ឋាននៃទីបញ្ជាការដ្ឋានកងរាជអាវុធហត្ថក្រុងពោធិ៍សាត់ប្រាប់ថា ជនសង្ស័យក្មេងទំនើងត្រូវបានកម្លាំងឃាត់យកមកសួនាំនិងពិនិត្យខាងលើឈ្មោះ ​ ស៊ុន​ ម៉ូវ​ ភេទប្រុសអាយុ១៨ឆ្នាំ​ រស់នៅភូមិផ្ទះស្រែ​ ឃុំស្វាយលួង​ ស្រុកកណ្ដៀង​ ខេត្តពោធិ៍សាត់​។​  លោកអនុសេនីយ៍ឯកបន្តថា ការឃាត់ខ្លួនជនសង្ស័យរូបនេះ​ ខណៈប្រទះឃើញនៅតាមផ្លូវរួមទាំងម៉ូតូម៉ាកស្កូបពី​ ពណ៏៌កាបស្តាំង​ គ្មានស្លាកលេខ​១គ្រឿងពេលយប់អាធ្រាត្រ​ ហើយមានអាវុធប្រភេទស្នាប់ដៃដែកចំនួន​1នៅជាប់និងខ្លួនទៀតផង​ ទើបមានការសង្ស័យក៏នាំយកមកសួរនាំនិងពិនិត្យឃើញមានផ្ទុកសារធាតុញៀននៅក្នុងខ្លួនផងដែរ។​

លោកបន្តទៀតថា​ ករណីនេះ​បានបំពេញសំណុំឯកសាររួចរាល់​ ហើយបញ្ជូនខ្លួនគេរួមទាំងវត្ថុតាង និងសម្ភារទៅសាលាដំបូងខេត្តពៅធិ៍សាត់ ដើម្បីបន្តតាមនីតិវិធីនៅរសៀលថ្ងៃទី១៩ខែមីនា​ឆ្នាំ២០១៦នេះ៕

ដោយ៖ បិុម​ ពិន