ខេត្តពោធិ៍សាត់៖ កម្លាំងអាវធហត្ថក្រុងខេត្តដឹកនាំដោយលោក វរៈសេនីយ៍ទោ ញឹម នី មេបញ្ជាការរងទទួលផែនយុត្តិធម៌នៃទីបញ្ជាការដ្ឋានកងរាជអាវុធហត្ថខេត្ត តាមប្រមាញ់បង្រ្កាបមុខសញ្ញាចែកចាយគ្រឿងញៀន ដេញតាំងពីស្រុកកណ្ដៀងមកទំលាក់វត្ថុតាងចោលនៅកណ្ដាលក្រុងពោធិ៍សាត់ រួចប្រាសយកតែអាយូសបាត់ស្រម៉ោល។
ហេតុការណ៍បានកើតឡើងកាលពីវេលាម៉ោង៦និង៤៥នាទីយប់ថ្ងៃទី២០ ខែមីនា ឆ្នាំ២០១៦ នៅលើកំណាត់ផ្លូវជាតិលេខ៥ ត្រង់ចំណុចលេខ៨២៨៣៥៨៥៦៧១ ស្ថិតក្នុងភូមីពាលញែក១ សង្កាត់ផ្ទះព្រៃ ក្រុងខេត្តពោធិ៍សាត់។
តាមប្រភពព័ត៌មានពីកម្លាំងចុះអនុវត្តប្រប្រាប់ថាក្នុងកិច្ចប្រតិបត្តិការបង្រ្កាបមុខសញ្ញាចែកចាយគ្រឿងញៀន កម្លាំងតាមមុខសញ្ញាតាំងពីស្រុកកណ្ដៀងមកម្លេះ ប៉ុន្តែដោយមុខសញ្ញានោះដឹងខ្លួនមុនទើបពួកគេនាំគ្នាគ្រវែងវត្ថុតាងចោល រួចនាំគ្នាបន្ថែមល្បឿនម៉ូតូគេចខ្លូនបាត់ស្រម៉ោល ខណៈកម្លាំងតាមប្រផាប់ចាប់ប្រភីងពីក្រោយ។
លោកបន្តថា វត្ថុតាងដែលដកហូតបានរួមមាន ទី១-ម្សៅក្រាមពណ៏សថ្លា៧កញ្ចប់ធំនិង១កញ្ចប់តូច ទី២-ជញ្ជីងថ្លឹងសារធាតុញៀន១ ទី៣-ថងសម្រាប់ច្រកមួយចមនួន ទី៤-អត្តសញ្ញាណប័ណ្ណ១សន្លឹកឈ្មោះ គង់ សូភី ភេទស្រី ទី៥-កាតATM ចំនួន១លេខ៩១៦៨០១០០០០៣៨៣៨៧៥ ទី៦-កាតហត្ថាកសិករសារ៉ាផានិតចំនួន១ ទី៧-លេខទូរស័ព្ទ012 961 937 ទី៨-រូបថតមនុស្សស្រីចំនួន២សន្លឹក ទី៩-អត្តញ្ញាណប័ណ្ណខូចម្ខាងចំនួន១សន្លឹក ទី១០-វិក័យប័ត្រឈ្មោះរិទ្ធ ជាសា១សន្លឹក ទី១១-ថង់ហត្ថាកសិករលីមីតធីតចំនួន១ ទី១២-សំបុត្តបញ្ជាក់កំណើតលេខ២០ឈ្មោះ ហ្វុន សារ៉ាត់ និង និងទី១៣-អាវពណ៏ត្រួយចេកចំនួន១។
លោកវរសេនីយ៍ទោបន្តទៀតថាវត្ថុតាងកម្លាំងកំពុងបំពេញសំណុំបែបបទនិងបញ្ជូនទៅសាលាដំបូងខេត្តដើម្បីបន្តតាមនិតិវិធី នៅរសៀលថ្ងៃទី២១ ខែមីនា ឆ្នាំ២០១៦នេះ៕ បឹុម ពិន
