បន្ទាយមានជ័យ ៖ ស្ត្រីម្នាក់បានស្លាប់ភ្លាមៗនៅនឹងកន្លែងយ៉ាងអណោចអធ័ម្មខណៈដែលនាងកំពង់អង្គុយលក់ក្រឡានលើចំណីផ្នូវថ្នល់មុខផ្ទះត្រូវបានរថយន្តកាមរីឆ្លាមដែលបើកបរលឿនឡើងជែងគោយន្តក៏រេចង្កូតមកខាងឆ្វេងនិងបានបុកយ៉ាងពេញទំហឹងលាន់ដូចរន្ទះផ្អើលអ្នកស្រុកទាំងថ្ងៃ។
ហេតុការណ៍នេះកើតឡើងកាលពីវេលាម៉ោង១២និង១០នាទីថ្ងៃទី១៩ខែកក្កដាឆ្នាំ២០១៥នៅលើកំណាត់ផ្លូវជាតិលេខ៥ត្រង់ចំណុចភូមិគោកទន្លាប់ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ។
លោកវេសេនិយ៍ទោ  ស៊ីឌី  អធិការនគរបាល  ស្រុកមង្គលបូរី  បានប្រាប់ឲ្យដឹងថា៖នៅមុនពេលកើតហេតុគេបានឃើញរថយន្តមួយគ្រឿងម៉ាកកាមរីឆ្លាមស៊េរីឆ្នាំ១៩៩៨  ពណ៌ឆ្លូញ  ពាក់ស្លាកលេខ ភ្នំពេញ  2F-3688 បើកបរដោយឈ្មោះឡាន់ចន្តាភេទអាយុ២៤ឆ្នាំ រស់នៅភូមិគោកទន្លាប់ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ។បានធ្វើដំណើរក្នុងទិសដៅពីជើងទៅត្បូងក្នុងល្បឿនលឿនលុះមកដល់ចំណុចកើតហេតុក៏បានឡើងជែងគោយន្តកន្ត្រៃមួយគ្រឿងដែលបើកបរក្នុងទិសដៅស្របគ្នា។
ហើយក៏បានរេចង្កូតទៅខាងឆ្វេងបណ្តាលឲ្យបុកនារីម្នាក់ឈ្មោះ ផាន់រស្មីអាយុ២៣ឆ្នាំរស់នៅភូមិឃុំកើតហេតុខាងលើដែលកំពុងអង្គុយលក់ក្រឡានបណ្តាលឲ្យជនរងគ្រោះដាច់ខ្យល់ស្លាប់ភ្លាមៗនៅហ្នឹងកន្លែងកើតហេតុ។
ចំណែករថយន្តក្រឡាប់ផ្ងាជើងទ្រមេឃអ្នកបើកបរបង្ករហេតុរងរបួសស្រាលហើយត្រូវបានអ្នកស្រុកចាប់ក្របួចជាប់ដើម្បីប្រគល់ឲ្យសមត្ថកិច្ច។
លោកអធិការបន្តឲ្យដឹងទៀតថាក្រោយពីកម្លាំងប៉ុស្តិ៍បានចុះទៅរៀបចំសម្រួលចរាចរណ៍និងកាពារនៅកន្លែងកើតហេតុកម្លាំងជំនាញក៏បានចុះទៅត្រួតពិនិត្យនិងធ្វើការវាស់វែងទៅតាមបច្ចេកទេសរួចយកទាំងតៃកុងនិងរថយន្តត្រូវបានសមត្ថកិច្ចយកមកកាន់អធិការដ្ឋានស្រុកមង្គលបូរីដើម្បីចាត់ការទៅតាមផ្លូវច្បាប់ចំណែកសាកសពត្រូវបានសាច់ញាតិចាត់ចែងយកទៅធ្វើបុណ្យតាមប្រពៃណិយ៍ផងដែរ  ៕វណ្ណា