ក្រុងប៉ោយប៉ែត៖ កម្លាំងនគរបាលក្រុងប៉ោយប៉ែតចុះប្រតិបត្តការណ៏ពេលយប់ តាមបណ្ដាគោលដៅប្រទះឃើញអ្នកចែកចាយថ្នាំញៀន ឃាត់ខ្លួនបានម្នាក់រួមជាមួយវត្ថុតាង កាលពីម៉ោង៣ និង៣០នាទីយប់ថ្ងៃទី២២ ខែមីនា ឆ្នាំ២០១៦ នៅចំណុចផ្សាររ៉ាឋិតក្នុងភូមិ-សង្កាត់-ក្រុងប៉ោយប៉ែត ខេត្តបន្ទាយមានជ័យ។

លោកអ៊ុំ សុផលអធិការក្រុងប៉ោយប៉ែតបានប្រាប់ថា ជនសង្ស័យដែលកម្លាំងឃាត់ខ្លួនមានឈ្មោះផន សុប៉ោត ភេទប្រុស អាយុ៣៣ឆ្នាំ ស្នាក់នៅក្នុងចំណុចកើតហេតុ ។

លោកបន្តថា មុនឈាននដល់ឃាត់ខ្លួនជនសង្ស័យខាងលើកម្លាំងលោកបានល្បាតនៅចំណុចកើតហេតុជាមួយបញ្ជាការភូមិដើម្បីសន្តិសុខរបស់ប្រជាពលរដ្ឋ លុះពេលដែលកម្លាំងបានឃើញបុរសខាងលើក៏មានសង្ស័យ ហៅមកធ្វើកាឆែកឆេឃើញវត្ថុតាងថ្នាំញៀនប្រភេទយ៉ាម៉ា (W Y) ពណ៌ផ្កាឈួកចំនួន២គ្រាប់ និងម្សៅក្រាមពណ៌ស ហៅ(ខេទឹកកក) ចំនួន៣កូនថង់ ក្រោយពីការឆែកឆេឃើញវត្ថុតាងកម្លាំងបានយកមកប៉ុស្ដិ៍រដ្ឋបាលប៉ោយប៉ែតដើម្បីធ្វើការសាកសួរ។

លោកបញ្ជាក់ថា ជនសង្ស័យក្រោយពីកម្លាំងធ្វើការសាកសួររួចជនសង្ស័យបានឆ្លើយសារភាពថា់ ខ្លួនបានយកលុយពីគេទៅទិញថ្នាំញៀនពីស្ត្រីម្នាក់ឈ្មោះ ចែ អម នៅក្នុងកាស៊ីណូដើម្បីមកចែកចាយ។ ក្រោយពីសាកសួរគេឆ្លើយសារភាពដូចសមត្ថកិច្ចចោទពិតប្រាកដមែន និងកសាងសំណុំរឿងបញ្ជូនជនសង្ស័យទៅស្នងការរដ្ឋានខេត្តបន្ទាយមានជ័យដើម្បីចាត់ការតាមផ្លូវច្បាប់៕

ដោយ៖ វណ្ណា